काठमाडौं । नेकपा (एमाले)का प्रमुख सचेतक महेश बर्तौला वर्तमान सरकार फेरिने कुनै सम्भावना नरहेको जिकिर गरेका छन् ।
सोमबार नयाँ बानेश्वरस्थित संसद् भवनमा सञ्चारकर्मीसँगको कुराकानीका क्रममा बर्तौलाले राष्ट्रिय सहमतिको आधारमा बनेको सरकार भएकाले परिवर्तन हुने कुनै सम्भावना नरहेको बताए ।
उनले सरकार परिवर्तन वा कुनै दललाई सरकारमा भित्र्याउने वा बाहिर पठाउने विषयमा कुनै बैठक नभएको दाबी गरे । सरकारमा आउन रुचि भएकाहरूले सरकार परिवर्तनको हल्ला चलाएको उनको भनाइ छ ।
बर्तौलाले अहिले कांग्रेस र एमालेको संयुक्त सरकार भए पनि ०८४ को निर्वाचनमा एमालेले बहुमत ल्याउने गरी तयारी गर्ने पनि बताए ।
