परासी । आदर्श नमूना मध्यमिक बिद्यालय परासीको प्रशासनिक भवन शिलान्यास गरिएको छ । सदरमुकाम परासी रामग्राम ५ मा अवस्थिती रहेको आदर्श नमूना मध्यमिक बिद्यालय प्रशासनिक भवन शिलान्यास गरिएको हो ।
रामग्राम नगरपालिकाका नगरप्रमुख धनपत यादवले आज एक कार्यक्रमको बिच नमुना शैक्षिक सुधार कार्यक्रम अन्तर्गत १३ कोठाको प्रशासनिक भवनको शिलान्यास गरेका हुन् ।
शिलान्यास गदै नगरक्षेत्रमा भौतिक पूर्वाधार निमार्ण गरी शैक्षिक गुणस्तर सुधार तर्फ अग्रसर रहेको बताएका छन ।
उनले विद्यालय भवनको निर्माण कार्य गुणस्तरीय एवं फलदायी बनाउनका लागि विद्यालय प्रशासन, नगरवासी, नगरपालिकालगायत सबै पक्षले निर्माण कार्यबारे चासो लिनुपर्ने जोड दिए ।
नगरपालिका शिक्षा क्षेत्रमा विशेष गरि बजेट बिनियोजन गरि शिक्षा क्षेत्र अब्बल बनाउन तर्फ लागिएको यादवको भनाई थियो ।
सो भवन ८३ लाख १७ हजार भ्याटसहित लगतमा निमार्ण हुने आदर्श नमूना मध्यमिक बिद्यालयका बिद्यालय व्यवस्थापन समितिका अध्यक्ष लक्ष्मण यादवले जानकारी दिए । उनले पूजा निर्माण सेवा पाल्हीनन्दनले निमार्ण जिम्मा पाएको निर्माण सम्पन्न यही असार बीस गर्तेसम्म सम्पन्न गर्नुपर्ने सम्झौता रहेको बताए ।
यस बिद्यालयमा प्लस टु सम्पन्न पाठनपाठन हुँदै आएको र एक हजार तीन सय बिधार्थी अध्यानरत रहेको बिद्यालयले जनाएको छ ।
