बुटवल । जनमत पार्टीकी प्रदेश सांसद गीता गुरुङले पदबाट राजीनामा दिएकी छन् । उनले मंगलबार लुम्बिनी प्रदेशका सभामुखलाई राजीनामापत्र पठाएकी हुन् ।
गुरुङले जनताले तिरेको करबाट पारिश्रमिक लिन उपयुक्त नभएको भन्दै पदबाट राजीनामा दिएको उल्लेख गरेकी छन् ।
‘राष्ट्र देश जनताभन्दा माथि कोही हुँदैन भन्ने मेरो मान्यता हो,’ उनले लेखेकी छन्, ‘जनताले तिरेको करबाट मैले पाउने पारिश्रमिक लिन उपयुक्त छैन । तसर्थ आजै मितिबाट पदमुक्त हुन राजीनामा पेस गर्दछु ।’
