बुटवल । भारतको उध्र्वाम्नाय काशी सुमेरु पीठाधीस्वर जगतगुरु शंकराचार्य अनन्तश्री विभूषित स्वामी नरेन्द्रानन्द सरस्वती जी महाराजले पाल्पाको वसन्तपुरस्थित कामाख्या देबी मन्दिर दर्शन र पूजा आराधना गरेका छन् । नेपालका धार्मिक स्थलहरूको भ्रमणको क्रममा शंकराचार्यले बिहीबार कामाख्या मन्दिर दर्शन गरेका हुन । मन्दिर दर्शनपछि शंकराचार्यले कामाख्या देबीको दर्शनले जीवनमा शक्ति आर्जन हुने र जीवनमा आइपर्ने संकट मोचन हुने धार्मिक विश्वास रहेको बताए । कामाख्या देबीको उपासनाले मनोकामना पूरा हुने शंकराचार्यको भनाई थियो । शंकराचार्यले बसन्तपुर निकै सुन्दर स्वच्छ, शान्त र शितल ठाउँ भएको उल्लेख गर्दै हिन्दू धर्मावलम्बीहरू एक पटक पुग्नै पर्ने बताए । सो अवसरमा धर्मगुरु व्यसाचार्य किशोर गौतमले शंकराचार्य भारतका चार शंकाराचार्य मध्ये एक र कामाख्या देबी का ठूलो भक्त भएको बताए । चार दिने नेपाल भ्रमणको क्रममा पहिलो भ्रमण कामाख्यादेबी मन्दिर दर्शन गरेको जानकारी दिए । शंकराचार्यको टोलीलाई केबलकारका लगानीकर्ता लक्ष्मण गौतम, तेजप्रसाद सुनार, अप्रेशन म्यानेजर डी एन कायस्थ सैंजु, म्यानेजर प्रज्वल घिमिरे, कामाख्या मन्दिरका मूल पुरोहित सुरेश पौडेल लगाएतले स्वागत गरेका थिए ।
