तिलोत्तमा । तिलोत्तमा साइक्लिङ क्लबले विश्व वातावरण दिवसको अवसरमा तिलोत्तमा ४ स्थित स्केट पार्क परिसरमा बृक्षारोपण गरेको छ । हरियाली प्रवद्र्धन र वातावरण संरक्षण गर्ने उद्देश्यले क्लबले वातावरण दिवसको अवसर पारेर गुलमोहर र कपुरका तीस वटा विरुवा रोपेको हो ।
उक्त कार्यक्रममा बोल्दै तिलोत्तमा नगरपालिकाका प्रमुख रामकृष्ण खांणले सरसफाई र हरियाली प्रवर्धन अभियानले तिलोत्तमा नेपालमा मात्र नभई विश्वमै उदाहरणीय बनेको चर्चा गर्दै यो असल अभ्यासलाई सबैले साथ दिनुपर्ने आग्रह गरे ।
उनले साइक्लिङ र वातावरण एक सिक्का का दुई पाटा भएको उल्लेख गर्दै साइक्लिङले हरेक व्यक्तिलाई स्वस्थ बनाउने र वातावरण संरक्षणमा योगदान गर्ने बताए ।
नगर प्रमुख खांणले नगरमा साइक्लिङ रोड बनाउने बारेमा क्लबसंग सहकार्य गर्ने बताए । क्लबका अध्यक्ष अर्जुन गुरुङले स्थापनाको छोटो अवधिमै क्लबले सामाजिक र साइक्लिङ क्षेत्रमा उल्लेखनीय काम गरेको बताए ।
उनले तिलोत्तमाका १७ वटै वडामा साइक्लिङ गरी आन्तरिक पर्यटन प्रवद्र्धन गर्ने योजनामा रहेको बताए । बिहीबार गरिएको बृक्षारोपण प्रत्येक सदस्य लाई एक एक वटाविरुवा हुर्काउने जिम्मा दिइने गुरुङले बताए । कार्यक्रममा क्लबका बरुण ज्ञवाली र मदन ज्ञवालीले पनि आफ्ना भनाई राखेका थिए ।
