नवलपुर । पुर्बी नवलपरासीको नमुना सदरमुकाम स्थलमा भवन निर्माणको क्रममा करेन्ट लागेर एक मजदुरको मृत्यु भएको छ ।
कावासोती नगरपालिका–३ पुरानो कावासोती स्थिति सरकारी भवनको सभा हलमा फर्मा सेटिङको लागि ड्रिल गर्ने क्रममा करेन्ट लागेर मजदुरको मृत्यु भएको जिल्ला प्रहरी कार्यालयका प्रहरी नायब उपरीक्षक मधु नेपालले बताए ।
मृत्यु हुनेमा बर्दिया ठाकुर बाबा नगरपालिका–२ घर भई हाल कावासोती नगरपालिका–२ मा डेरा गरी बस्ने ३५ वर्षीय सरोज थारु रहेको प्रहरी नायब उपरीक्षक नेपालले जानकारी दिए ।
काम गर्ने क्रममा अचानक करेन्ट लागेर घाइते भएका थारुलाई मध्यविन्दु प्रादेशिक अस्पताल डण्डा लगिएकोमा उपचारको क्रममा मृत्यु भएको हो ।
