तिलोत्तमा । तिलोत्तमा उद्योग वाणिज्य संघका कार्यसमिति, साधारण सदस्य र कर्मचारीले लुम्बिनी केबलकारको टिकटमा छुट पाउने भएका छन् ।
संघको कार्यालयमा शुक्रबार एक कार्यक्रमबीच छुट सम्बन्धी सम्झौतामा हस्ताक्षर भएको हो । संघका अध्यक्ष ज्ञाननेन्द्र कार्की र केबलकारका अधिकृत राजन लम्सालले सम्झौतापत्रमा हस्ताक्षर गरी आदान प्रदान गरेका छन् ।
सम्झौता अनुसार संघका कार्यसमिति, साधारण सदस्य र कर्मचारीले ५ सय रुपैयांमा केबलकारको दुईतर्फी यात्रा गर्न पाउने छन् । साथै दुई संस्थाबीच एक आपसमा व्यवसाय प्रवर्धनमा पनि सहकार्य हुने. छ ।
केबलकारमा छुट पाउन संघका सदस्यहरुले संघको अद्यावधिक परिचयपत्र टिकट काउन्टरमा देखाउनुपर्ने सम्झौतामा उल्लेख छ ।
सो अवसरमा बोल्दै संघका अध्यक्ष ज्ञानेन्द्र कार्कीले लुम्बिनी केबलकार रुपन्देहीको पर्यटन विकासको साझा सम्पति भएको र जिल्लाकमे पर्यटन विकासमा महत्वपूर्ण योृगदान दिएको भन्दै यहां पर्यटक भित्राउन संघले सबै प्रकारका सहयोग गर्ने प्रतिवद्धता जनाउनुभयो । केबलकारसंगको सम्झौताले संघमा आवद्ध उद्योगी व्यवसायीलाई केवलकार यात्रामा सहुलियत र सहज हुने तथा संस्थागत सम्बन्ध विस्तार भएको बताउनुभयो । अध्यक्ष कार्कीले संघको वैठक केबलकारको माथिल्लो स्टेशन बसन्तपुरमा आयोजना गरेर सहयोग गर्ने प्रतिवद्धता समेत जनाउनुभएको छ ।
केवलकारका अधिकृत राजन लम्सालले लुम्बिनी केबलकार लुम्बिनी प्रदेशको पहिलो र नेपालको दोस्रो लामो केबलकार भएको जानकारी गराउनुभयो । सो अवसरमा संघका पदाधिकारी र कार्यसमिति सदस्यहरुको पनि उपस्थिति रहेको थियो ।
