तिलोत्तमा । तिलोत्तमा नगरपालिका १० को उद्यमशील टोल विकास संस्थाले निर्माण व्यवसायी राज कुमार यादवलाई सम्मान गरेको छ ।
संस्थाले करिब ४० लाख रुपैयाँको निर्माण कार्य एक महिनामै सम्पन्न गरेको भन्दै निर्माण व्यवसायी यादवलाई एक औपचारिक कार्यक्रम गरी सम्मान गरेको हो ।
सो अवसरमा बोल्दै प्रमुख अतिथि टोलवासी एवं लुम्बिनी प्रदेश योजना आयोगका सदस्य डा. दामोदर भुसालले विकास निर्माणमा स्थानीय बासिन्दाको यथोचित सहभागिता र निगरानी सुनिश्चित गर्न तथा राम्रो काम गर्ने निर्माण व्यवसायीलाई प्रोत्साहनका लागि सम्मान गरिएको बताए । डा. भुसालले उद्यमशील टोल नाममा मा नभई व्यवहारमै उद्यमशविनियोजन हुने, तर कार्यान्वयनमा ढिलाइ हुने अनि स्थानीयवासी सम्बन्धित कार्यालयमा धाइरहनुपर्ने गलत परिपाटी अन्त्य हुनुपर्नेमा समेत जोड दिए ।
उद्यमशील टोलका हरेक परिवार करेसाबारी, कम्तीमा एक घार मौरी र खेतमा धानसँगै हाँस पालनमा संलग्न हुँदै गएका र अन्यत्र पनि टोलको असल अभ्यासलाई विस्तार गरिएको डा. भुसालले बताए ।
कार्यक्रममा तिलोत्तमा १० का वडाध्यक्ष गोपालप्रसाद घिमिरे, तिलोत्तमा नगरपालिकाका वरिष्ठ इञ्जिनियर प्रदीप वन, टोल विकास संस्थाकी कार्यवाहक अध्यक्ष सरगम विक पौडेल, सचिव रामबहादुर पुन, टोलका पूर्व अध्यक्ष घनसिंह पुन, निर्माण व्यवसायी राजकुमार यादवलगायतले आफ्ना भनाइ राखेका थिए । वक्ताहरुले टोलको बाँकी रहेको सडकमा पनि फुटफाथ निर्माणमा सबैको ध्यान जानुपर्ने बताएका थिए ।
डा. भुसाल टोलमा आएपछि टोलको विकासले फड्को मार्दै गएको भन्दै भुसालको प्रसंशा गरेका थिए ।
रमेश एण्ड रवि निर्माण सेवाका सञ्चालक यादवले भ्याटसहित ३८ लाख ६१ हजार ७९१ रुपैयाँमा उक्त टोलको ३०० मिटर सडकको दुबैतर्फ इन्टरलक फुटपाथ एक महिनामै निर्माण गरेका थिए ।
