बुटवल । अविरल बर्षाको कारण बुटवल-पाल्पा सडकखण्ड अन्तर्गत शिद्धबाबा नजिकै ठुलो पहिरो जाँदा बिहान १० बजेदेखि पुर्ण रुपमा ठप्प सवारी आगमन साेमबार अपराह्न ४ बजे बाट सुचारु भएको छ ।
शिद्धबाबा मन्दिर नजिकै कम्तीमा दुईदेखि तीन स्थानमा ठूलो चट्टान र माटोसहितको पहिरो खसेपछि सडक दुबैतर्फबाट अवरुद्ध भएको थियाे । दाेभानमा रहेकाे डाेजर र बुटवलमा भएका डाेजरकाे मद्दतबाट सडक सञ्चालनमा आएकाे इलाका प्रहरी कार्यालय दाेभानले जनाएकाे छ।
पहिराे पन्छाएसंगै बुटवल क्षेत्रमा राेकिएका करिब ३ सय सवारी पाल्पातर्फ गएका छन् भने दाेभानमा राेकिएका करिब २ सय ५० सवारी बुटवल तर्फ पास गराइएकाे प्रहरीले जनाएकाे छ ।
