काठमाडौं । प्रहरीले पशुपति आर्यघाटमा शव जलाउने काम गर्ने दुई जनालाई पक्राउ गरेको छ । पक्राउ पर्नेमा गणेश ढकाल र बिनायक मैनाली छन् ।
शव अन्त्येष्टि गर्ने क्रममा उनीहरूको भूमिका शंकास्पद लागेको दाबीसहित मृतकका परिवारले प्रहरीमा खबर गरेपछि ढकाल र मैनालीलाई पक्राउ गरिएको जिल्ला प्रहरी परिसरका एसपी कुलदीप चन्दले जानकारी दिए ।
उनीहरूमाथि प्रहरीले अभद्र व्यवहारको कसुरमा मुद्दा चलाएको छ । दुवैजना शुक्रबार पक्राउ परेका हुन् ।
‘‘शुक्रबार उनीहरूले शवको अत्यष्टि गर्ने बेला मृतकका आफन्तले शंस्कास्पद लागेर प्रहरीलाई खबर गरेका हुन् । सोही आधारमा पक्राउ परेका हुन् । अरू कुरा खुलेको छैन,’’ एसपी चन्दले भने ।
प्रहरीका अनुसार, मैनाली दाउरा बोक्ने र ढकाल शव जलाउने काम गर्थे ।
