भैरहवा । ज्योति पुञ्ज गौसिया रिजविया अहले सुन्नत नूरुल ओलूम धार्मिक संस्था मदरसाको अध्यक्षमा हाजी मुसाफिर अली निर्वाचित भएका छन ।
संस्थाको १९ औँ साधारण सभा तथा ८ औ अधिवेशनबाट अलि सर्वसम्मत निर्वाचित भएका हुन । यस्तै संस्थाको उपाध्यक्षमा हाजी डा. सेराज आलम, सचिवमा मोहम्मद सलीम, सहसचिवमा हाजी मोहम्मद हसन अंसारी, कोषाध्यक्षमा जावेद अली, सह कोषाध्यक्ष नजाम साफी निर्वाचित भएको निर्वाचन आयुक्त प्रदिप यादवले बताए ।
यस्तै समितिको सदस्यमा मौलाना सिद्धिक खाँ, अफाक अलि, सलाहुद्दीन खाँ, नसरुद्दप्न पठान, रमजान मुसलमान, मोविन मुसलमान, हसनरजा मुसलमान, तुफैल पठान र एकराम हुुसैन निर्वाचित भएका छन । यस्तै ३ सदस्यीय लेखा समितिमा अब्दुल रशीद पठानको संयोजकत्वमा सगीर आलम र सलाहुद्दीन खान सदस्ये गठन गरेको छ ।
२०५८ सालमा स्थापित मदरसाले धार्मिक शिक्षासँगै मुलधारको शिक्षा प्रदान गर्दै आएको छ ।सिद्धार्थनगर नगरपालिकाकी उप प्रमुख उमा अधिकारीको प्रमुख आतिथ्यमा भएको कार्यक्रममा सिद्धार्थनगर ७ का वडा अध्यक्ष दामोदर शर्मा , हकीकुल्लाह खां, बद्रे आलम , फैज अहमद खां, मदरसाका प्रधानाध्यापक हाजी सूफी मोहम्मद सिद्दीक खां ,मोजीब अली लगायतले मदरसाको विकास र नयाँ समितीलाई सफल कार्यकालको शुभकामना दिएका थिए ।
