बुटवल । १८ औँ राष्ट्रिय पुस्तकालय दिवस पूर्व सन्ध्यामा बुटवल उपमहानगरपालिका सुख्खानगर, बुटवल ८ रुपन्देहीमा रहेकोश्री ज्ञानज्योति पुस्तकालयको आयोजनामा रूपन्देही जिल्ला स्तरीय आधारभूत तह अन्तर्गत १–५ सम्म अध्ययनरत विद्यार्थीहरू बीच हाजिरी जवाफ प्रतियोगिता मणिमुकुन्द माध्यमिक विद्यालय बुटवल ११ रूपन्देहीको कार्यक्रमहलमा सम्पन्न भएको छ ।
पुस्तकालयले प्रत्येक वर्ष नियमित रुपमा मनाउदै आएको उक्त पुस्तकालय दिवस यस वर्ष पनि नियमितता दिएको छ । रुपन्देही जिल्ला भरबाट सामुदायिक र संस्थागत गरी जम्मा २५ वटा विद्यालयहरु सहभागी रहेका थिए । आषाढ २९ गते पर्ने भानु जयन्ती र भाद्र १५ गते पर्ने राष्ट्रिय पुस्तकालय दिवशको अवसरमा नियमित रुपमा वि.सं. २०७४ सालदेखि नै दुवै कार्यक्रम विद्यालय स्तरमा हुँदै आएका छन् ।
यसै अनुरुप भाद्र १४ गते सम्पन्न आधारभूत तह स्तरीय हाजिरी जवाफ प्रतियोगिता २०८२ मा प्रथम डन चिल्ड्रेन एकेडेमी, द्वितीय न्यू होराइजन मा.वि., तृतीय तिनाउ इङ्लिस बोर्डिङ्ग स्कुल र सान्त्वना कालिका मानवज्ञान मा.वि. भएका छन् ।
हिसान रुपन्देहीका अध्यक्ष कृष्णबहादुर न्यौपानेको प्रमुख आथित्यता रहेको उक्त कार्यक्रमको अध्यक्षता पुस्तकालयका सदस्य ज्ञानु के.सी. रहेकी थिइन्। स्वागत मन्तव्य तथा कार्यक्रमको औचित्य माथि प्रकाश पुस्तकालयका अध्यक्ष टुकबहादुर क्षेत्रीले गरेका थिए । उक्त कार्यक्रम स्व.गणेश पाण्डेको स्मृतिमा समेत गरिएको थियो ।
वि.सं. २०४३ सालमा स्थापना भएको उक्त पुस्तकालयले निरन्तर रुपमा रुपन्देही जिल्लाभित्रका विद्यालयहरुसँगको प्रत्यक्ष प्रभावकारीताका लागि आषाढ २९ गते भानुजयन्तीको अवसरमा माध्यमिक विद्यालय स्तरीय रामायण वाचन प्रतियोगिता र भाद्र १५ गते पर्ने राष्ट्रिय पुस्तकालय दिवसको अवसरमा आधारभूत तह स्तरीय हाजिरिजवाफ प्रतियोगिता नियमित रपमा सञ्चालन गर्दै आएको आगामी दिनमा पनि निरन्तरता दिइने व्यवस्थापक प्रकाश सुवेदीले जानकारी दिए ।
