केशव पराजुली- नवलपरासी । तुल्सी पासी नवलपरासी पश्चिमका एक पुराना कम्युनिष्ट कार्यकर्ता हुन् । कम्युनिष्ट नेता केशर मणी पोखरेल, मगरु यादवको सम्पर्कपछि कम्युनिष्ट पार्टीमा आबद्ध भएका उनी (नेकपा) माक्र्सवादी हुँदै (नेकपा) एमालेमा आबद्ध भएका हुन् ।
नवलपरासीको कम्युनिष्ट राजनीतिमा कृयाशिल उनी राजनीतिमा प्रवेश गरेदेखि नै निरन्तर सकृय रहेका छन् । सरल स्वभावका पासी नवलपरासी पश्चिमको साविक वन्जरीया गाउँ पञ्चायत वडा नम्बर ४ हाल रामग्राम १८ का स्थाई बासिन्दा हुन् ।
नवलपरासीको कम्युनिष्ट अगुवामा तुल्सी पासीको नाम पनि जोडिन्छ । राजनीतिमा प्रवेश गरेपछि पासी गाविस अध्यक्षदेखि पार्टीको जिल्ला सचिव समेत बनिसकेका छन् । राजनीतिका अवला खेतीबाहेक उनको अन्य कुनै पेशा छैन । विद्यालय अध्ययन गर्दा नवलपरासीका कम्युनिष्ट नेता मगरुप्रसाद यादवको सम्पर्कबाट कम्युनिष्ट राजनीतिमा प्रवेस गरेका पासी (नेकपा ) एमाले लुम्बिनी प्रदेश कमिटीको सचिवालय सदस्य छन् । तराई मधेशमा दलित समुदायमा सूचीकृत पासी समुदायको मुख्य पेशा खेतीपाती र पशु पालन रहेको उनले बताए ।
नवलपरासीका पुराना कम्युनिष्ट नेता मगरु यादवका छोरा वीरेन्द्र यादवसँग विद्यालयमा अध्ययन गर्ने तुल्सी पासीलाई एक दिन वीरन्द्र यादवले उनलाई आफ्ना बावुले सेल्टर लिएर बसेको घरमा लगेर भेट गराए । भेटका क्रममा मगरु यादवका विचारले उनी कम्युनिष्ट पार्टी प्रति प्रभावित भएको पासीले बताए । २०२३ साल फाल्गुणमा वन्जरीयाँमा पासीको जन्म भएको थियो । उनका बावु सीताराम पासी र आमा सुमित्रीदेवी पासी गाउँका सामान्य किसान परिवार हुन् । तराई मधेसमा दलित समुदायमा पर्ने पासी समुदायको संख्या नवलपरासी पश्चिममा लगभग ३ हजार रहेको पासीले जानकारी दिए ।
२०३७ सालदेखि सकृय राजनीतिमा प्रवेश गरेका पासी ०३५-०३६ को जनमत संग्रहमा बहुदलको पक्षमा प्रचारप्रसारमा जुटेका थिए । पुराना कम्युनिष्ट नेता केशरमणी पोखरेल नवलपरासी घरमा आएको समयमा पासीको घरमा गएर भेट गरेपछि पोखरेलले पासीलाई बहुदलको प्रचारप्रसार गर्न लगाएको पासीले बताए । त्यसपछि उनको पोखरेलसँग निरन्तर सम्पर्क हँुदै गयो, पोखरेलको सल्लाहमा उनले काम गर्दै अगाडि बढे । मगरु र पोखरेलको सम्पर्क उनको नेकपा माक्र्सवादीका जिल्ला नेता धनन्जय शर्मासँग सम्पर्क भएपछि पासी (नेकपा ) माक्र्सवादीको जिल्ला कमिटीमा चुनिए ।
२०४७ सालमा माले र माक्र्सवादी एकीकरणपछि उनी जिल्ला कमिटीमा छानिए । २०४३ सालमा नवलपरासीको जर्गाहामा भएको अधिवेशनमा माक्र्सवादीबाट ७ जना र मालेबाट १४ जना गरी २१ सदस्य जिल्ला कमिटीको निर्माण भएको थियो । अधिवेशनले इश्वरी पाण्डे शर्मालाई सचिव चयन गरेको थियो । २०४६ को परिर्वतनपछि नवलपरासीमा नेपाल सदभावना पार्टीको दबदबा रहँदा र पछि मधेश आन्दोलनमा पनि पासी कहिल्यै आफ्नो सिद्धान्तबाट विचलित भएनन् । ०६२÷०६३ मा पक्राउ परेपछि उनीले १० दिन परासी कारागारमा बन्दी जीवन बिताए । पासी २०५४ देखि ६९ सम्म बन्जरीया गाविसको अध्यक्ष भए । नेकपा एमालेको पाँचौ अधिवेशनमा प्रतिनिधि छनोट भए, सचिवालय सदस्य, २ वर्ष क्षेत्र नम्बर ४ नवलपरासीको इञ्चार्ज भएका थिए । सातौ, आठौ अधिवेशनमा उप–सचिव र २०७३ देखि २०७५ सम्म जिल्ला सचिव भए ।
२०६७ बैशाखमा नेकपा एमालेको कार्यालयमा भएको आगजनीमा कार्यालयमा रहेका पासी आक्रमणमा परि घाइते समेत भएका थिए । सधँै आफ्नो जिम्मेवारीलाई लगनशिल रुपमा लिने र कामप्रति वफादार पासी नवलपरासी एमालेभित्र असल नेताका रुपमा परिचित छन् । जिल्ला कमिटी सचिव हुँदा सबै जिल्ला कमिटीका सदस्यको घर–घरमा पुग्ने, समस्या बुझ्ने र छलफल गर्ने उनको दैनिकि बनेको थियो ।
पासी विषय बस्तु र अध्यायनमा पनि उत्तिकै दख्खल राख्छन् । पासी राजनीतिमा लागेको ४५ वर्ष भएको छ । राजनीतिमा प्रवेश गरेको ४५ वर्षमा नेकपा एमालेको जिल्ला सदस्य, उप–सचिव हुँदै जिल्ला सचिव र अहिले नेकपा एमाले लुम्बिनी प्रदेश कमिटीको सचिवालय सदस्य छन् । पछिल्लो समय पार्टीको जिल्लामा नभएको र प्रदेशमा भएका कारण पनि उनको सकृयता जिल्लामा कम रहेको छ । उनीसँगै राजनीति सुरु गरेका धेरै नेता सांसद , केन्द्रीय सदस्य र मन्त्री समेत बनिसकेका छन्, तर तुल्सी पासीले पैसा, पद कमाउनुभन्दा पनि कार्यकताको माया पाएका छन् । उनको यसैमा आत्म सन्तुष्टी रहेको उनी बताउँछन् ।
