काठमाडौं । एक हजार १५ मिटर लम्बाईको नेपालकै लामो कर्णाली (गेरुवा) पुल संचालनसँगै सो क्षेत्रका स्थानीय लाभान्वित भएका छन् ।
राजापुर नगरपालिकालगायत उक्त क्षेत्रका स्थानीयले वर्षौंदेखि जोखिमपूर्ण रूपमा नदी तर्न ढुंगा प्रयोग गर्नुपर्ने अवस्थाको अन्त्य भएको छ ।
यो नेपालकै लामो पुल मात्र नभई निर्माण गर्दा समेत लक्ष्यभन्दा नौ महिनाअघि नै सम्पन्न गरिएको हो ।
२०६७ कात्तिक १६ गतेदेखि निर्माण सुरु गरिएको पुल ०७२ असार मसान्तभित्र पूरा गर्ने सम्झौता थियो ।
लक्ष्यभन्दा निकै तीव्र गतिमा काम सम्पन्न भई तोकिएको समयभन्दा नौ महिना अगावै ०७१ भदौ मसान्तमा पुल निर्माण सम्पन्न भएको थियो ।
पुलको चौडाई नौ मिटर १० सेन्टिमिटर डबल लेनको फुटपाथसमेत छ । पुल निर्माणपछि राजापुर क्षेत्रका करिब दुई लाखभन्दा बढी जनता लाभान्वित भएका छन् ।
