सैनामैना । नेपाली कांग्रेस रुपन्देहीका जिल्ला सदस्य एवं मानवअधिकार तथा शान्ति समाजका पूर्व केन्द्रीय सभापति गोविन्द खनालले आफ्नो जन्मदिनको अवसरमा बौद्धिक अपांगता भएका विद्यार्थीहरुलाई स्टेशनरी तथा खेलकुद सामग्री प्रदान गरेका छन् ।
रुपन्देहीको सैनामैना नगरपालिका वडा नं. ८ रामापुरमा रहेको बौद्धिक अपांगता सेवा केन्द्रमा अध्ययनरत बालबालिकालाई पढाइमा टेवा पुगोस् भन्ने उद्देश्यले स्टेशनरी र खेलकुदका सामग्री प्रदान गरेको खनालले बताए ।
खनालले बौद्धिक अपांगता सेवा केन्द्र सञ्चालनमा समेत महत्वपूर्ण भूमिका निर्वाह गरेको र विद्यार्थीहरुलाई जन्मदिनको अवसरमा खेलकुद र स्टेशनरी सामग्री वितरण गर्न पाएकोमा खुसी व्यक्त गरे ।
बौद्धिक अपांगता सेवा केन्द्रकी प्रिन्सिपल सुशीला पन्तले खनालको सहयोगप्रति धन्यवाद व्यक्त गर्दै आगामी दिनमा पनि सहयोग पाइरहने विश्वास व्यक्त गरिन् ।
