तिलोत्तमा । तिलोत्तमा राइडर्सले तिलोत्तमा–६ स्थित रामचन्द्र–मैनादेवी अनाथ आश्रममा भोजन दान गरेको छ । गत साउन ३ गते सम्पन्न प्रथम तिलोत्तमा कोरा २०८२ बाट वचत भएको रकमबाट आश्रममा भोजनदान गराइएको हो । कार्यक्रममा तिलोत्तमा ६ का वडाध्यक्ष गणेश पाठक र आश्रमकी अध्यक्ष मैनादेवी भण्डारीले स्थापनाको एक वर्षमै तिलोत्तमा राइडर्सले साइक्लिङमार्फत तिलोत्तमाको पर्यटन प्रवद्र्धनसंगै सामाजिक काममा समेत अग्रसर हुनु सराहनीय काम भन्दै आगामी दिनमा पनि निरन्तरता दिन आग्रह गरेका थिए । तिलोत्तमा राइडर्सका अध्यक्ष अर्जुन गुरुङले सामाजिक उत्तरदायित्व अन्तर्गत आफूहरुले अनाथ आश्रममा भोजन दान गरेको भन्दै यसअघि बृक्षारोपण लगायतका काम गरेको बताए । कार्यक्रममा तिलोत्तमा राइडर्सका पदाधिकारी, सदस्य र सल्लाहकार समेत सहभागी थिए ।
