गुल्मी । राष्ट्रिय लोक तथा दोहोरी गित प्रतिष्ठान नेपाल जिल्ला कार्य समिति गुल्मीको आठौं जिल्ला अधिवेशन सम्पन्न भएको छ । अधिवेशनले मोहन बस्नेतलाई अध्यक्षमा सर्वसम्मत निर्वाचित गरेको छ । बस्नेत निवर्तमान बरिष्ठ उपाध्यक्ष थिए ।
बरिष्ठ उपाध्यक्ष श्रीधर पोखरेल र उपाध्यक्ष गणेश अधिकारी निर्वाचित भएका छ्न । त्यस्तै महिला उपाध्यक्ष लालुमाया कुँवर,सचिव लोकेन्द्र कुँवर ,सह सचिव अनिल खत्री,कोषाध्यक्ष हरी खत्री लगायत २१ सदस्यीय कार्य समिति गठन भएको छ ।
निर्वाचित कार्य समितिलाई कार्यक्रमका प्रमुख अतिथि प्रतिष्ठानका केन्द्रिय उपाध्यक्ष पुस्कल शर्मा र बिशेष अतिथि प्रदेश सचिब योगराज पोख्रेलले पद तथा गोपनियताको सपथ ग्रहण गराएका थिए ।
सदरमुकाम तम्घासमा आयोजित अधिवेशनमा बृहत सास्कृतिक कार्यक्रम समेत गरिएको थियो ।
