बुटवल । जितेश्वरी जिवन बिज्ञान प्रयोगशाला बुटवल १३ जितगढिले आफ्नो पहिलो वार्षिकोत्सव मनाएको छ ।
योग, ध्यान , प्रणायमको माध्यमबाट जीवनशैली परिवर्तन गराउँदै आएको संस्थाले बिचमा शनिबार र आईतबार योगा प्रशिक्षक गुरुहरुलाई सम्मान गर्नुका साथै दिप प्रज्वलन समेत गरेको छ ।
संस्थाका अध्यक्ष तारा गौडेलको अध्यक्षतामा भएको कार्यक्रम सचिव केशव पौडेलको सञ्चालनमा सम्पन्न भएको थियाे ।
सो अवसरमा हरेक दिन निशुल्क योगा प्रशिक्षण गर्ने योग गुरुहरु कपिल गौतम, केशव प्रसाद खनाल, हरि पोखरेल, पदम राज बस्याल लाई सम्मान गरिएको थियो ।
सम्मान पश्चात सम्मानीत गुरुहरुले योग अहिलेको ब्यस्त जिवनशैलीलाई व्यवस्थीत बनाउन निकै उपयोगी हुने बताएका थिए ।
सो अवसरमा पार्वती बस्यालले योग, ध्यान, प्रणायमको माध्यमबाट आफुमा परेको सकारत्मक प्रभावको बारेमा बताईन् । प्रमिला उप्रेतीले वार्षिकोत्सवको अवसरमा शुभकामना ब्यक्त गरिन् । सुमित्रा अर्यालले कविता बाचन मार्फत शुभकामना दिईन् ।
प्रयोगशालाबाट ५० जनाले दैनिक रुपमा योग प्रशिक्षण लिने गरेको चन्दावती सापकोटाले जानकारी दिईन् । जितेश्वरी जिवन बिज्ञान प्रयोगशालामा सबैभन्दा धेरै प्रशिक्षण दिने योगगुरु कपिल गौतमको १८ चरणको शूर्यनमस्कार निकै चर्चित र अकर्षाणको केन्द्र बनेको नियमित योग गर्ने कल्पना बगालेले जानकारी दिईन् ।
