बुटवल । रोटरी क्लब अफ बुटवलले आयोजना गरेको शान्ति तथा द्वन्द्व व्यवस्थापनसम्बन्धी पिस पोस्टर प्रतियोगितामा पामिर इन्टरनेशनल एकेडेमी विजेता भएको छ ।
प्रतियोगितामा फस्ट रनर अफमा दीप बोर्डिङ् हाइस्कुल र सेकेन्ड रनर अफमा अक्सफोड सेकेन्डरी स्कुल भएका छन् । त्यस्तै प्रतियोगिताको सान्त्वना पुरस्कारबाट न्यू इनभारोमेन्ट इङ्ग्लिस स्कुल भएको छ । प्रतियोगितामा विजेताले नगद ८ हजारसहित मेडल र ट्रफि पुरस्कार प्राप्त गरेको छ भने फस्ट रनर, सेकेन्ड रनर र सान्त्वनाले क्रमशः ५ , ३ र २ हजार नगद, मेडल र ट्रफि पुरस्कार प्राप्त गरेका छन् । विजेता तथा उप–विजेताहरुलाई क्लबका अध्यक्ष कृष्ण पराजुली, निर्वतमान अध्यक्ष प्रज्वल थान्जु, दीप बोर्डिङ् स्कुलका अध्यक्ष राजेन्द्र ध्वजु कार्यक्रम संयोजक डीआर पन्थीले पुरस्कार प्रदान गरेको क्लबका सचिव शिवकुमार ज्ञवालीले बताए ।
प्रतियोगितामा १२ देखि १८ वर्ष उमेर समूहका इन्ट्¥याक्ट क्लबमा आबद्धहरुले प्रतिष्पर्धा गरेका थिए । यस क्षेत्रका ११ वटा विद्यालयबाट १८ जना विद्यार्थीको सहभागिता रहेको थियो ।
प्रतियोगितामा शान्ति र द्वन्द्वका सन्र्दभमा देखिएका सामाजिक परिवेश, के गर्दा शान्ति स्थापना गर्न सकिन्छ र द्वन्द्व कसरी सुरु हुन्छ भन्नेबारेमा युवा विद्यार्थीहरुले निकै रोचक प्रस्तुति देखाएको क्लब अफ बुटवलका अध्यक्ष कृष्ण पराजुलीले बताए ।
