बुटवल । रुपन्देहीका पत्रकार यमलाल भुसाल रोटरी क्लब अफ बुटवलबाट पुरस्कृत भएका छन् । क्लबले हरेक वर्ष एकजना पत्रकारलाई पुरस्कृत गर्दै आए अनुसार यो वर्ष राज्य टेलिभिजनका समाचार प्रमुख भुसाल नगद राशी सहित पुरस्कृत भएका हुन् । क्लबको ३३ औँ चार्टर नाइटमा भुसाललाई पुरस्कृत र १० जना गरिब तथा जेहेन्दार विद्यार्थीलाई छात्रबृति प्रदान गरिएको हो ।
क्लवद्धारा स्थापना गरिएको अक्षयकोषवाट कालिका मानव ज्ञानका अनिष पाण्डे, शान्ति नमूनाका लक्ष्मण थापा, नेपाल आधारभूत विद्यालयका शानवि थारु र नन्दनी मल्लाह, न्यू होराइजनका अनुप्रस भटराई, सैनामैना माविका सन्दीप बिक , लुम्बिनी बोर्डिङका राम बहादुर सार्की, सिद्धार्थ गौतम बुद्ध क्याम्पसका झरना शर्मा, शान्ति नमूनाका विमला पुन र फूलवारी आधारभूतका कल्याण गैरे रहेका छन । उनिहरुलाई जनही ५ हजार नगद प्रदान गरिएको अध्यक्ष कृष्ण पराजुलीले बताए ।
