बुटवल । रुपन्देहीको कञ्चन गाउँपालिका–३ धौलागिरी चोकका १७ वर्षीय ईशान शर्मा पौडेलको शव नालीमा भेटिएको तेस्रो दिनसम्म पनि प्रहरीले हत्यारा पक्राउ गर्न सकेको छैन् ।
प्रहरीले हत्यारा पक्राउ गर्न नसकेपछि टोलविकास संस्था, आमा समुह लगायतले प्रहरीलाई दबाब दिन ईलाका प्रहरी कार्यालय रुद्रपुर घेराउ गरेका छन् ।
३ हजार भन्दा धेरै सोही क्षेत्रका स्थानीयहरु स्वतस्फुर्त रुपमा ईप्रका घराउ गर्न पुगेको ईशानका ठुलाे बुबा पुष्पराज शर्माले जानकारी दिए । शर्माले परिवारहरु घटनास्थलहरु अनुसन्धानका क्रममा रहेको समयमा स्थानीयहरु घेराउमा गएको बताए ।
पोष्टमाटममा टाउकोमा भएको चोटको कारणले आन्तरिक र बाह्य रगत बग्दा ज्यान गएको पुष्टि भएको चिकित्सकले बताएको उनले जनाए ।
यता प्रहरीले भने अनुसन्धान जारी रहेको बताउँदै आवश्यक सहयोग गर्न आग्रह गरेको थियो । अनुसन्धानमा सबैको सहयोग भएमा छिटो हत्यारा पत्ता लगाउन सकिने बताए।
प्रहरीका अनुसार ईशान बुधबार साँझ ८ बजेदेखि सम्पर्कविहीन थिए । घरको डेढ सय मिटरमै रहेको नालीमा फालिएको थियो ।
शव, टाउकोमा पछाडि पट्टी चोट थियो । घटनास्थलमा केही रगत चुहिएको, लतपतिएको केही देखिएको थिएन् ।
