बुटवल । शिवनगर सामुदायिक वन उपभोक्ता समूहका १० उपभोक्तालाई दुई हप्ते जैविक मल बनाउने तालिम सुरु गरिएको छ ।
तालिम शुभारम्भ अवसरमा बोल्दै सामुदायिक वन उपभोक्ता महासंघ, रूपन्देहीका अध्यक्ष श्यामकला आचार्यले विपन्न नागरिकको जीवनस्तर सुधारका लागि छनौट गरी तालिममा सहभागी बनाइएको बताइन् । उनले वनलाई समृद्धिसँग जोडेर उपयोग र संरक्षणको कार्यक्रम चलाइनुपर्ने बताइन् ।
शिवनगर सामुदायिक वन उपभोक्ता समूहका अध्यक्ष मनोज गौचनले आर्थिक अवस्था कमजोर भएका उपभोक्ता छनौट गरी तालिम दिएकाले स्वरोजगार बन्ने अवसर तालिमले दिने विश्वास लिए ।
उपभोक्ता हित संरक्षण मञ्च, रूपन्देहीका अध्यक्ष समुन्द्र जिसीले तालिम लिएपछि व्यवहारमा कार्यान्वयन गर्नसक्दा तालिमको महत्व रहने बताए ।
तालिमको प्रशिक्षकमा दिनेश क्षेत्री र लक्ष्मी भुर्तेल रहेका छन् ।
संयुक्त राष्ट्र संघ खाद्य तथा कृषि संगठन, वन तथा वातावरण मन्त्रालय, सामुदायिक वन उपभोक्ता महासंघ नेपालको सहयोगमा शिवनगर सामुदायिक वन उपभोक्ता समूहमा वन तथा कृषि सहज कार्यक्रम सञ्चालन भएको छ । यही कार्यक्रमअन्तर्गत जैविक मल बनाउने तालिम सञ्चालन भएको हो ।
