बुटवल । आफ्नो वार्षिक कार्यतालिकाअन्तरगत रुपन्देही व्यापार संघले आफूसँग आबद्ध विभिन्न प्रकृतिका व्यवसाय सञ्चालन गर्ने व्यवसायी सदस्यहरुलाई गोलबन्द गर्ने लक्ष्यअनुसार वस्तुगत भेलालाई तीव्रता दिएको छ । यसैक्रममा बिहीबार संघमा आबद्ध औषधि तथा क्याम्सन व्यावसायीहरुको छुट्टाछुटै भेला सम्पन्न भएको छ ।
भेलाले राजकुमार श्रेष्ठको संयोजकत्वमा १४ सदस्यिय औषधि वस्तुगत उप–समिति गठन गरेको छ । संघको सचिवालयमा भएको भेलाले गठन गरेको उप–समितिको सह–संयोजकमा निरु पैनी, सचिवमा अमृता भण्डारी, कोषाध्यक्षमा लेखनाथ न्यौपाने र सह–सचिव प्रकाश क्षेत्री रहेका छन् ।
यसैगरी सदस्यहरुमा प्रेमप्रसाद पौडेल, शेषकान्त पोखरेल, ज्ञानु पुन, भक्तप्रसाद शर्मा, उमेशचन्द्र आचार्य, बालकृष्ण पौडेल, डासीराम मरासिनी, सृजना अर्याल, शंकर वराल रहेका छन् । यसैगरी यदुमणि पोखरेलको संयोजकत्वमा ९ सदस्यीय क्याम्सन वस्तुगत उप–समिति गठन गरिएको छ ।
जसको सह–संयोजकमा राजिव गौतम, सचिवमा रविन्द्र कुँवर, कोषाध्यक्षमा सुनिल बेल्वासे, सह–सचिवमा सुरेश पन्थी तथा सदस्यहरुमा कृष्ण अर्याल, शंकरप्रसाद पाण्डे विरेन्द्र सिंह लिम्बु, मेघनाथ गौतम रहेका छन् । सल्लाहकारमा विजय खनाल, दिपक भट्टराई, दिपक खनाल, ऋषिराम अर्याल, किसनप्रसाद पाण्डे रहेको संघले जनाएको छ ।
कार्यक्रमका प्रमुख अतिथि रुपन्देही व्यापार संघका अध्यक्ष प्रकाश ढकालले पेशागत मर्यादा र उपभोक्ताहरुको चाहानालाई ध्यानमा राखेर व्यवसायलाई अगाडी बडाउन सकेमा त्यसले प्रतिफल दिने बताउँदै संस्थागत हित र संस्थाको सुदृढिकरणका लागि आआफ्नो ठाउबाट भूमिका खेल्न आग्रह गरे ।
भेलामा संघका वरिष्ठ उपाध्यक्ष दयानिधि भण्डारी, प्रथम उपाध्यक्ष ऋषिराम पाण्डे, महासचिव प्रकाशराज पौडेल, महिला सचिव वृन्दा भट्टराई आचार्य, कार्यसमिति सदस्य शोभाकुमारी जोशी क्षेत्रीलगायतले उप–समितिको सकृयता र क्रियाशिलताले नै संघ चलायमान हुने हँुदा उप–समितिलाई व्यवसायिक गतिविधि गर्न सुझाव दिएका थिए ।
संघका सह–सचिव तथा वस्तुगत उपसमिति गठन तथा पुर्नगठनका संयोजक नलराज नेपालले सबै व्यवसायीहरुलाई एकताबद्ध भएर व्यवसायीका समस्या र आवश्यकताहरुको पहिचान गरी त्यसको समाधान गर्न लाग्नुपर्नेमा जोड दिए ।
औषधि वस्तुगत उपसमितिका संयोजक कपिल ज्ञवाली र क्याम्सन वस्तुगत उपसमितिका संयोजक दिपक खनालको अध्यक्षता, निरु पैनीको सञ्चालनमा सम्पन्न भएको कार्यक्रममा संघका कार्यसमिति सदस्य केदार नेपालले स्वागत गरेका थिए ।
