देवदह । देवदहलाई सहयोगापेक्षी सडकआश्रित मानवमुक्त नगर घोषणा गरिएको छ । देवदह नगरपालिकाको आयोजना र मानवसेवा आश्रम मानवता प्रवद्र्धन महाअभियान रुपन्देहीको सहयोगमा सहयोगापेक्षी सडकआश्रित मानवमुक्त नगर घोषणा गरिएको हो ।
योसँगै रुपन्देही जिल्लामा ३ वटा पालिका सहयोगापेक्षी सडकआश्रित मानवमुक्त नगर घोषणा गरिएको छ । मानवसेवा आश्रमले रुपन्देहीमा अहिलेसम्म ५१ जनालाई सडकआश्रित मानवलाई उद्दार गरिएको टिका थापाले जानकारी दिए । सो अवसरमा देवदह नगरपालिका र मानवसेवा आश्रमबिच सम्झौता भएको छ ।
देवदह नगरपालिकाका प्रमुख धु्रवप्रसाद खरेल र मानवसेवा आश्रमका केन्द्रीय अध्यक्ष रामजी अधिकारीले सम्झौता पत्रमा हस्ताक्षर गरिएको छ । सहयोगापेक्षी बेसहारा सडकमानव मुक्त देवदह नगरपालिका र घोषणापश्चात्को पूर्ण कार्यान्वयनका लागि नगरपालिका र मानवसेवा आश्रमबिच सडक आश्रित सहयोगापेक्षी बेसहारा मानवहरुको व्यवस्थापन गर्ने गरी सम्झौत गरिएको हो ।
देवदह नगरपालिकालाई एक कार्यक्रमकाबिच जिल्ला समन्वय समिति रुपन्देहीका प्रमुख उमाकान्त चपार्इंले सहयोगापेक्षी सडकआश्रित मानवमुक्त नगर घोषणाको प्रमाणपत्र प्रदान गरेका हुन् । सो अवसरमा बोल्दै प्रमुख चपाईंले मानवीय सेवा नै सबैभन्दा ठूलो धर्म भएकोले सडकमा आश्रित मानवको व्यवस्थापनमा सबै लाग्नु पर्नेमा जोड दिए । देशको राजनैतिक परिस्थितिका कारण रोकिएको कामलाई तीव्रता दिएकोले माघ महिनाभित्र जिल्लालाई सहयोगापेक्षी सडकआश्रित मानवमुक्त घोषण गर्ने उनले जनाए ।
देवदह नगरपालिका प्रमुख धु्रवप्रसाद खरेलको अध्यक्षतामा भएको कार्यक्रममा मानवसेवा आश्रमका केन्द्रीय अध्यक्ष रामजी अधिकारी, प्रमुख प्रशासकीय अधिकृत मधुकृष्ण पौड्याल, नेपाली कांग्रेसका नगर सभापति गुनाखर भुर्तेललगायतले आ–आफ्ना भनाइ राखेका थिए । उप–प्रमुख विद्यालक्ष्मी गुरुङ्गको स्वागत र पर्शुराम ढकालको सञ्चालनमा कार्यक्रम सम्पन्न भएको थियो ।
