काठमाडौं । नेपाली कांग्रेसको केन्द्रीय समितिको बैठक अझै बस्न सकेको छैन । बुधबार बिहान ८ बजेका लागि डकिएको बैठक अहिलेसम्म बस्न नसकेको हो ।
बैठकमा सहभागी हुनका लागि सहमहामन्त्री बद्री पान्डे, कोषाध्यक्ष उमेश श्रेष्ठ, कृष्णप्रसाद सिटौला, प्रकाशमान सिंह, ज्ञानेन्द्र कार्की, एनपी साउद, गण्डकीका मुख्यमन्त्री लगायतका केन्द्रीय सदस्यहरू सानेपा पुगिसकेका छन् ।
सोमबार दिउँसो १ बजेका लागि बोलाइएको बैठक राति साढे ७ बजे सुरु भएलगत्तै आज बिहान ८ बजे बस्ने गरी स्थगित गरिएको थियो ।
सूचना सञ्चार तथा प्रचार विभाग प्रमुख मीन विश्वकर्माले विशेष महाधिवेशन पक्षधरसँग वार्ता जारी रहेकाले बिहान ८ बजेसम्मका लागि बैठक स्थगित भएको जानकारी दिएका थिए ।
