भैरहवा । रुपन्देहीको भैरहवामा एमजीको प्रिमियम इलेक्ट्रिक एसयूभी ‘आईएम सिक्स’ सार्वजनिक भएसँगै बिक्री शुभारम्भ भएको छ ।
एमजी गाडीको आधिकारिक वितरक पारामाउन्ट मोटर्समार्फत् भैरहवाका लागि थ्री एच एल प्रालिबाट बिक्री सुरु भएको हो । नेपालको पहिलो इन्टेलिजेन्ट प्रिमियम इलेक्ट्रिक अर्बन एसयूभीको सार्वजनिकसँगै पहिलो ग्राहकको रुपमा होटल मौर्यका सञ्चालक रामबहादुर कोइरीले गाडी खरिद गरेका हुन् ।
७४ लाख ९९ हजार रुपैयाँ तोकिएका नयाँ प्रिमियम इलेक्ट्रिक एसयूभी ‘आइएम सिक्स’ आइएम (इन्टेलिजेन्स इन मोसन) एमजीको प्यारेन्ट कम्पनी साइक मोटरअन्तर्गतको एक प्रिमियम विद्युतीय सवारी ब्रान्ड हो । प्रविधि, आकर्षक डिजाइन र उत्कृष्ट प्रदर्शनको संयोजनका रूपमा कम्पनीले प्रस्तुत गरेको छ ।
अत्याधुनिक डिजाइन, बौद्धिक सुविधाहरू, अत्याधुनिक नयाँ प्रविधि, आकर्षक डिजाइन र उत्कृष्ट प्रदर्शनको संयोजनले ड्राइभिङ अनुभवका साथ, आइएम ६ ले नेपालको इभी बजारमा नयाँ मापदण्ड स्थापित गरेको छ ।
एमजी आइएम सिक्समा ७५ किलोवाट आवर क्षमताको ब्याट्री जडान गरिएको छ । कम्पनीका अनुसार यसले एक पटकको फुल चार्जमा ४५० किलोमिटरको रेन्ज प्रदान गर्दछ । गाडीमा रहेको १०९ किलोवाट क्षमताको मोटरले उत्कृष्ट पावर र टर्क उत्पन्न गर्ने कम्पनीको दाबी छ ।
यो गाडीलाई डीसी फास्ट चार्जरबाट चार्ज गर्दा ३० देखि ८० प्रतिशतसम्म चार्ज हुन केवल २० मिनेट लाग्ने बताइएको छ । यसले १५३ किलोवाटसम्मको डीसी चार्जिङ सपोर्ट गर्छ । साथै, गाडीसँगै ७ किलोवाटको वाल–माउन्ट चार्जर पनि उपलब्ध गराइनेछ ।
कम्पनीका अनुसार गाडीमा रहेको फोर–ह्विल स्टेरिङ सिस्टमले साँघुरो ठाउँमा गाडी मोड्न र पार्किङ् गर्न सहज बनाउँछ । यसको टर्निङ रेडियस जम्मा ५.०९ मिटर रहेको छ ।
त्यस्तै अटोमेटिक पार्किङ्को सुविधाले चालकलाई पार्किङ्को झन्झटबाट मुक्त गर्छ । साथै ७.१.४ स्पासियल अडियो, २० ओटा स्पिकर र ४ ओटा स्काई स्पिकर भएको यसको साउन्ड सिस्टमले यात्रालाई मनोरञ्जनात्मक बनाउने कम्पनीको विश्वास छ । गाडीका सिटहरू हिटिङ, भेन्टिलेसन र ड्राइभर सिट ब्याक रिल्याक्स जस्ता सुविधाले युक्त छन् ।
नेपाली सडकलाई मध्यनजर गर्दै यसमा १७५ एमएमको ग्राउन्ड क्लियरेन्स दिइएको कम्पनीको भनाइ छ ।
थ्री एच एल प्रालिका अध्यक्ष हरिबहादुर थापाले ‘ आईएम सिक्स’ प्रविधि र गुणस्तरको हिसाबले उत्कृष्ट रहेको बताए । ‘आईएम साइक मोटरको प्रिमियम ब्रान्ड हो र हामीले एमजीमार्फत् यसलाई प्रस्तुत गरेका छौं । यो केवल इभी मात्र नभई नेपालका लागि स्मार्ट ड्राइभिङको भविष्य हो । हामी बिक्रीपछिको सेवा र स्पेयर पाट्र्सको उपलब्धतामा पूर्णरूपमा तयार छौं । अहिले हामीले विशेष अफरमार्फत् बुकिङ्ग गरिरहेका छौं ।’–उनले भने ।
कम्पनीले ब्याट्रीमा ८ वर्ष वा १ लाख ५० हजार किलोमिटर वारेन्टी दिएको छ । त्यस्तै तीन वर्ष वा १ लाख किलोमिटर र गाडीमा एक वर्षको वारेन्टी दिने बताएको छ ।
