बुटवल । धादिङमा माटोको ढिस्कोले पुरिएर एक जनाको मृत्यु भएको छ भने अर्का एक जना घाइते भएका छन्।
बेनिघाट रोराङ गाउँपालिका– ३, सलाङघाटमा घरको प्लाष्टर गर्दैगर्दा माटोको ढिस्को खस्दा स्थानीय ४५ वर्षीय मानबहादुर पर्जाको मृत्यु भएको छ।
उनको धादिङको मलेखुस्थित टिचिङ अस्पतालमा उपचारका क्रममा आइतबार साझ ७ बजेतिर मृत्यु भएको जिल्ला प्रहरी कार्यालय धादिङका प्रहरी प्रवक्ता एवं डिएसपी प्रकाश दाहालले जानकारी दिए।
उनकाअनुसार सोही ढिस्कोमा पुरिएर सुदिप प्रजा घाइते भएका छ्न्। मलेखुस्थित टिचिङ अस्पतालबाट ट्रमा सेन्टर काठमाडौँमा ल्याएर उपचार भइरहेको छ।
आइतबार साँझ सवा ४ बजे स्थानीयको घरको प्लाष्टर गर्दै गर्दा ढिस्को खसेपछि उनीहरू दुवै जना पुरिएका थिए। दुवै जनालाई प्रहरी, नेपाली सेना र स्थानीयले उद्धार गरि अस्पताल पुर्याएका थिए।
