बुटवल । पर्वत समाज युएइको ७औ अधिवेशनले पूर्णचन्द्र भुसालको अध्यक्षतामा निर्विरोध कार्यसमिति चयन गरेको छ । निर्वाचित कार्यसमितिको वरिष्ठ उपाध्यक्षमा हरी प्रसाद शर्मा, प्रथम उपाध्यक्ष किशन पुलामि मगर सहित चार जना उपाध्यक्ष र महिला उपाध्यक्षमा रुपमा कुमारी अधिकारी निर्वाचित भएका छन ।
सो अधिवेशनबाट महासचिवमा जीब नाथ शर्मा, सचिवमा रमेश तिवारी र संजिब अधिकारी निर्वाचित भएका छन भने कोषाध्यक्षमा नबीन थापा र सह कोषाध्यक्षमा नारायण अधिकारी निर्वाचित भएका छन् । त्यसैगरि यस पटक देखि पालिका स्तरीय संयोजक समेत चयन गर्दै ५१ सदस्य निर्वाचित भएका छन ।
पालिका संयोजकहरूमा विजय क्षेत्री कुश्मा, अलि रसुल मिया फलेवास, प्रेम प्रसाद सापकोटा पैयूँ, नारायण रेग्मी जलजला, तिर्थ रेग्मी महाशिला र कृष्ण शर्मा प्रतीक मोदी रहेका छन्।
उक्त अधिवेशनको उदघाटन गर्दै उप–महावाणिज्य दूत, नेपाली महावाणिज्य दूतावास, दुबई, युएईका कृष्ण प्रसाद चापागाईंले आफू जन्मेको ठाऊ र समाजका लागि आफूहरू विश्वको जुनसुकै मूलकमा रहेपनि आफ़नो सिप र क्षमताले भ्याएसम्म सहयोग पुर्याउनु पर्नेमा सम्पुर्ण पर्बतेलीले बिशेष जोड दिनु पर्ने बताए ।
सन् २०१३ देखि मणि भुर्तेलको संयोजकत्वमा पर्बत समाज यूएई गठन भएको हो।
