गाैरीशंकर जयसवाल / परासी ।बर्दघाट नगरपालिकाले मोतियाबिन्दु भएका १ सय २६ जना नगरबासिको निशुल्क शल्यक्रिया गरिदिएको छ ।
नगरपालिकाले गत आर्थिक बर्षमा परासीमा रहेको बिनोद निता कण्डेल आँखा अस्पताल सँग सम्झौता गरी उपचारमा लागेको खर्च नगरले बेहोर्ने निर्णय गरि ७ लाख रुपैया बिनियोजन गरिएको थियो ।सोही अनुरुप १ सय २६ जना नागरिकको मोतियाबिन्दुको सफल शल्यक्रिया गरि लाभ लिएको अस्पतालले जनाएको छ ।
अधिकाङ्स जेष्ठ नागरिकहरू यसबाट लाभान्वित भएका छन ।शल्यक्रियाका लागि प्रतीब्यक्ति ५ हजार ४ सय रुपैयाँ खर्च भएको अस्पताल प्रशासनले जानकारी दिएको छ ।
"गरिब बिपन्न नागरिकहरुले पैसाकै कारण दृष्टि गुमाउन नपरोस भन्ने उदेश्यले यो कार्यक्रम ल्याएका हौ,लक्षित ब्यक्तिहरुका लागि प्रभावकारी नै बनेको छ भन्ने बिश्वास लिएका छौ"बर्दघाट नगरपालिकाका नगरप्रमुख शम्भुलाल श्रेष्ठले भनाई छ ।
अस्पतालले पठाएको रेकर्ड अनुसार बिनियोजित रकमबाट झण्डै तिनलाख रुपैयाँ मात्रै खर्च भएको नगरपालिकाका लेखा अधिकृत विष्णुलाल पुरीले जानकारी दिए ।
