बुटवल । लुम्बिनी प्रदेश सरकारको मुख्यमन्त्रीमा नेकपा एमालेका संसदीय दल उपनेता चेतनारायण आचार्य नियुक्त भएका छन् ।
आज दिउँसो साढे ३ बजेतिर प्रदेश प्रमुखको कार्यालय बुटवलमा ५६ सांसदको हस्ताक्षर सहित दाबी पेश गरेका आचार्यलाई आज नै मुख्यमन्त्री नियुक्त गरिएको प्रदेशप्रमुखको कार्यालय बुटवलले जनाएको छ ।
आचार्यलाई संविधानको धारा १६८ को उपधारा २ बमोजिम मुख्यमन्त्री नियुक्त गरिएको प्रदेश प्रमुख कार्यालय बुटवलका उपसचिव धर्मा अर्याल बेल्बासेले जानकारी दिईन् ।
