परासी
पश्चिम नवलपरासीको रामग्राम नगरपालिका पूर्ण संस्थागत प्रसूति सेवायुक्त तथा पूर्णखोप सुनिश्चितता दिगोपना पालिका घोषण हुने भएको छ ।
पालिकास्तरी खोप समन्वय समिति तथा प्रजनन् स्वास्थ्य समितिको बैठकले पालिकालाई नगरपालिका पूर्ण संस्थागत प्रसूति सेवायुक्त तथा पूर्णखोप सुनिश्चितता दिगोपना पालिका घोषणा गर्न निर्णय गरेको हो ।
बैठकले जिल्ला खोप समन्वय समितिले अनुगमन गरेपछि नगरपालिका पूर्ण संस्थागत प्रसूति सेवायुक्त तथा पूर्णखोप सुनिश्चितता दिगोपना पालिका घोषण गर्ने स्वास्थ्य शाखाका स्वास्थ्य निरीक्षक सुरज हरिजनले जानकारी दिए । उनले यही चैत्र मसान्तभित्रमा नगरपालिका पूर्ण संस्थागत तथा पूर्ण खोप सुनिश्चितता दिगोपना पालिका घोषण गर्न लागिएको बताए ।
स्वास्थ्यकर्मीहरुले १८ वटै वडामा माघ महिनादेखि घरधुरी सर्वेक्षण गरी १६ देखि ५९ महिनाको बालबालिकाहरुमध्ये २३ जना छुटेकोलाई पूर्णखोप लगाएको र ३ हजार चार सय २६ जनाले पूर्णखोप प्राप्त गरेको सुनिश्चितता तथा ० देखि १५ महिनाका बालबालिका ९ सय ६१ जनामध्ये छुटेका ४ जनालाई पनि पूर्णखोप दिइएको स्वास्थ्य शाखाका अधिकृत अनिल खड्काले जनाकारी दिए ।
८ सय १६ जनामध्ये बाटोमा २ जना प्रसूति भएको र ८ सय १४ जना स्वास्थ्य संस्थामा प्रसूति भएको खड्काले बताए । ९९ दशमलव ७५ प्रतिशत स्वास्थ्य संस्थामा प्रसूति गराएको नगरपालिकाको तथ्यांकमा उल्लेख रहेको छ ।
बैठकमा बोल्दै धनपत यादवले रामग्राम नगरपालिकाले स्वास्थ्य क्षेत्रमा प्राथमिकतामा राखेको काम गरेको बताए ।
नगरपालिकाले गर्भवतीहरुलाई लक्षित गरी निःशुल्क भिडियो एक्सरे सञ्चालन गरेको यादवले जनाए । नगरपालिकाले नगरवासीलाई स्वास्थ्य क्षेत्रमा पहुँच पु¥याएको भन्दै यसमा स्वास्थ्यकर्मीहरुको अथकप्र्रयास र मेनहतले पूर्ण संस्थागत प्रसूति सेवायुक्त तथा पूर्णखोप सुनिश्चितता दिगोपना पालिका घोषण गर्न सकिएको उल्लेख गरे ।
जिल्ला खोप समन्वय समितिले अनुगमन पश्चात् प्रतिवेदन पेस गरी पालिकालाई पूर्ण संस्थागत प्रसूति सेवायुक्त तथा पूर्णखोप सुनिश्चितता दिगोपना पालिका घोषण अनुमति दिएपछि घोषण हुने बताइएको छ ।
