बुटवल । चलचित्र ‘पारी बुटोल’को टिजर सार्वजनिक भएको छ । टिजरमा चलचित्रका प्रमुख पात्रहरूलाई चरित्रसहित चिनाउने प्रयास गरिएको छ ।
ग्याङस्टर जनरामा निर्माण भएको चलचित्रको टिजरमा कलाकारहरूको उत्कृष्ट अभिनय देखिएको छ । निर्देशक गणेश देव पाण्डेले ‘पारी बुटोल’ ग्याङस्टर सिनेमा मात्रै नभएर युवाको परिवार, जीवनको संघर्ष र सफलता प्राप्त गर्ने होडमा हुने उतारचढावको कथा भएको बताएका छन् ।
स्थानीय युवाको वास्तविक कथालाई सिनेम्याटिक बनाउने प्रयास गरिएको उनले बताएका छन् । ल्याक्सी श्रेष्ठले निर्माण गरेको चलचित्रमा मनीषा अधिकारी सह–निर्माता रहेकी छन् ।
चलचित्रमा अनुप बराल, दीया मास्के, कामेश्वर चौरासिया, दिव्य देव, सुवर्ण थापा, निरीक्षा घतानी, तुफान थापा, अविरल प्रताप अधिकारी, किरण श्रेष्ठलगायतको अभिनय छ ।
