बुटवल । राष्ट्रिय स्वतन्त्र पार्टी रास्वपाले प्रतिनिधिसभा सदस्य खगेन्द्र सुनारलाई छानबिनको निष्कर्ष नआएसम्म कुनै पनि औपचारिक कार्यक्रममा सहभागी नहुन निर्देशन दिएको छ। सुनार बांके क्षेत्र नं ३ बाट निर्वाचित प्रतिनिधि सभा सदस्य हुन् । पार्टीको केन्द्रीय अनुशासन आयोगलाई तत्काल आन्तरिक छानबिन अघि बढाउनसमेत निर्देशन दिइएको छ।
सुनारमाथि सार्वजनिक भएका महिलामाथि दुर्व्यवहार, धम्की, अनुचित दबाब र शंकास्पद आर्थिक लेनदेनसम्बन्धी आरोपबारे निष्पक्ष अनुसन्धान हुनुपर्ने रास्वपाले जनाएको छ। पार्टीले अनुसन्धानमा सहयोग गर्ने र निष्कर्षका आधारमा कानुन तथा विधानबमोजिम थप कदम चाल्ने स्पष्ट पारेको छ ।
