लुम्बिनी । प्रधानमन्त्री पुष्पकमल दाहाल प्रचण्डले बृहत्तर लुम्बिनी विकासका लागि विश्वसमुदायलाई आग्रह गरेका छन् । हालै भएको लगानी सम्मेलनमा बृहत्तर लुम्बिनी विकास परियोजना प्रस्तुत गरिएको भन्दै यसले मुलुक विकासमा महत्वपूर्ण भूमिका खेल्ने बताए । उनले बृहत्तर लुम्बिनी विकास परियोजनाको कार्य अघि बढाउन विकास कोषलाई निर्देशन दिए ।
बुद्ध जयन्तीको अवसरमा लुम्बिनीमा आयोजित समाराेहमा बोल्दै उनले लुम्बिनीलाई बिश्वको आस्थाका केन्द्रका रुपमा दर्शनको अध्ययन थलोका रुपमा विकास गर्नुपर्ने बताए । उनले लुम्बिनी बौद्ध विश्वविद्यालयलाई बौद्ध दर्शनको अध्ययन अनुसन्धानमा केन्द्रीत हुन आग्रह समेत गरे । विश्वविद्यालयको सभाले महत्वपूर्ण निर्णय लिएको भन्दै त्यसलाई अघि बढाउन उनले आग्रह गरे ।
लुम्बिनीलाई बौद्ध ध्यान केन्द्रका रुपमा विकास गर्नुपर्ने उनले बताए । उनले लुम्बिनीमा अथाह पर्यटनको सम्भावना रहेको बताए । त्यसलाई प्रवर्द्धन गर्न सरकारले काम अघि बढाईरहेको बताए ।
