नवलपरासी । नवलपुरमा नेपाली सेनाका एक जना प्रहरी जवानको आफैले चलाएको गोली लागि मृत्यु भएको छ ।
जिल्ला प्रहरी कार्यालय नवलपुरका प्रहरी उपरीक्षक नरहरि रेग्मीका अनुसार आज दिउँसो साढे १२ बजेको समयमा कावासोती नगरपालिका ७ बाँदरझुलामा रहेको नयाँ गोरख गण ख गुल्मा अमलटारी सेक्टरमा बाँदरझुला पोष्टमा कार्यरत नेपाली सेनाका जवान २२ बर्षीय सुदीप मिजारको आफूले चलाएको गोली लागेर मृत्यु भएको हो ।
धादिङ जिल्लाको गल्छी गाउँपालिका ४ घर भई श्री गोरख गण कसरामा दरबन्दी भई हाल नयाँ गोरख गण ख गुल्ममा कार्यरत मिजारको निधन भएको हो ।
मिजारले नयाँ गोरख गण ख गुल्म अमलटारी बाँदरझुला पोष्टको कोत घरमा रहेको ५ दशमलब ५६ एमएमको मिनी गनले आफैले आफ्नो घाँटीमा गोली हानेको प्रहरीले जनाएको छ ।
प्रहरी अहिले घटना स्थलमा पुगेको र घटनाको अनुसन्धान गरिरहेको जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पौडेलले बताए ।
पौडेलका अनुसार अहिले घटना स्थलमा घटनाको मुचुल्का तयार पारी शव पोष्टमार्टमका लागि पठाइने तयारी भईरहेको छ ।
