बुटवल । बुटवल उपमहानगरपालिका ९ मा रहेको स्कलर्स होम बोर्डिङ स्कुलमा ग्रिन डे सेलिब्रेसन कार्यक्रम सम्पन्न भएको छ ।
बालबालिकाहरूमा प्रकृति र वातावरण संरक्षणको सचेतना प्रदान गर्नका लागि कार्यक्रम आयोजना गरिएको विद्यालयले जनाएको छ ।
वातावरण हरियो राख्न तथा प्रकृति र वातावरण संरक्षणको महत्वको बारेमा जानकारी गराउन कार्यक्रम आयोजना गरिएको विद्यालयका प्राचार्य बाबुराम बन्जाडेले जानकारी दिए ।
प्रत्येक वर्ष गर्ने कार्यक्रम अन्तरगत यो वर्ष पनि साउनमा यो कार्यक्रम आयोजना गरिएको उनले बताए । संस्कार सहितको व्यवहारीक शिक्षा सिकाउँदै गर्दा प्रकृतिको रक्षाको बारेमा जानकारी गराउनको लागि यो कार्यक्रम गरिएको बताए ।
सो अवसरमा वातावरण संरक्षण सँगै बीउ बाट बिरुवा कसरी बन्छ भन्ने जानकारीमूलक २० प्रकारका हरियो तरकारी र हरियो फलफूलको रुपमा प्रदर्शनी राखिएको विद्यालयका ब्लक ए संयोजक कमला पाण्डेयले जानकारी दिइन् । सो अवसरमा प्री प्राईमेरीका ३०० विद्यार्थीले कला प्रदर्शन गरेको उनले जानकारी दिइन् ।
कक्षा ४ सेक्सन अर्थका अभिन्या भण्डारीको अध्यक्षता विद्यालयका प्राचार्य बाबुराम बन्जाडेको प्रमुख आतिथ्ययतामा भएको कार्यक्रममा रोहिणी गापा अध्यक्ष एवं अभिभावक बिद्या प्रसाद यादबको सहभागिता रहेको थियो भने कक्षा ५ का विद्यार्थीहरू आयुस कुमार झा, अभियान पन्त , दीपिका पन्त, दीप्ति तिम्सिना , जेस्मिन अन्सारी लगायतले बोलेका थिए ।
कार्यक्रमको पूर्वसन्धयामा र्याली समेत निकालिएको थियो । विद्यालयमा कक्षा ४ र ५ मा अध्ययनरत २ सय ५० बढी बिद्यार्थीहरु सहभागी र्याली स्कुलबाट सुरु भएर ईटाभट्टि परिसर घुमेर स्कुलमै फर्किएको थियो। विद्यालयका दुई ब्लकमा गरि १४ सय विद्यार्थी तथा १२० शिक्षक कर्मचारी रहेका छन्।
