अर्घाखाँची । भुमिकास्थानमा रहेको चुनढुंगाको उत्खनन् अनुमती-पत्र नक्कली प्रकरणमा एक जना पक्राउ परेका छन् ।भुमिकास्थान नगरपालिका वडा नम्बर ९, पातलेखोलामा रहेको चुनढुंगा उत्खननको अनुमती-पत्र नक्कली रहेको भन्दै नगरपालिका प्रमुख झविलाल थापाले प्रहरीमा उजुरी दिएपछी छानबिन गर्न प्रहरीले कम्पनीका प्रतीनिधी नवाफ अलीलाई पक्राउ गरेको हो ।
प्रकरणमा थप अनुसन्धान गर्न भन्दै तिन जना विरुद्ध पक्राउ पुर्जी जारी भएको छ । पक्राउ परेका अलीले बयानका क्रममा आफुलाई नगरको अनुमती सहितको पत्र दिएको बताएपछी तिन जना विरुद्ध पक्राउ पुर्जी जारी भएको हो ।
राष्ट्रिय जनमोर्चाका जिल्ला अध्यक्ष थम्मन केसी, भुमिकास्थान नगरपालिकाका वडा नम्बर ४ का वडाअध्यक्ष बाबुराम पन्थी सुनार र जागृत केसीका नाममा पक्राउ पुर्जी जारी भएको श्रोतले जनाएको छ । उनिहरु अहिले सम्पर्कविहिन छन् ।जिल्लाका हाईप्रोफाईलको नाम जोडिएपछी यो प्रकरणले चर्चा पाएको छ ।
कपिलवस्तुको कृष्णनगरमा रहेको विजया सिमेन्ट्स प्रालीले २०८० फागुन १४ गते खानी तथा भूगर्भ विभागबाट चुनढुङ्गा उत्खनन्को अनुमती-पत्र पाएको थियो । गत २०८० मंसिर ५ गते नगरपालिकाले खानी तथा भूगर्भ विभागलाई स्विकृती सहितको आशय पत्र पठाएको देखिन्छ । तर, नगरप्रमुखले यसलाई किर्ते भन्दै आएका छन् ।
आफुले कुनै प्रकारको पत्र नदिएको र कागजपत्र नक्कली रहेको उजुरी दिएपछी प्रहरीले छानबिन थालेको हो । मेयर थापाको हस्ताक्षरसहितको पत्र खानी विभागमा पुगेपछी खानी विभागले अनुमती-पत्र (लाईसेन्स) प्रदान गरेको थियो । नगरको लेटरप्याड र मेयरको हस्ताक्षर सबै नक्कली रहेको नगरले दावी गर्दै आएको थियो ।
मेयरको हस्ताक्षर नक्कली नै रहेको पुष्टी भएको छ । काठमाण्डौ स्थित विधि विज्ञान प्रयोगशालामा गराएको जाँचमा खानी विभागमा पुगेको पत्रको हस्ताक्षर मेयरको नभएको पुष्टी भएको हो । हस्ताक्षर भिडाउँदा नमिलेको विधि विज्ञान प्रयोगशालाले बताएको छ ।
मेयरको दावी सही भएपछी प्रहरी थप अनुसन्धान अँघीं बढाएको छ । विजया सिमेन्ट्स प्रालीका प्रतिनिधी नवाफ अलीलाई पक्राउ गरी अनुसन्धान भईरहेको जिल्ला प्रहरी कार्यालयले जनाएको छ । उनि विरुद्ध पक्राउ पुर्जी जारी भएपछी प्रहरीमा आफै आएका थिए ।
मेयर थापाले गत २०८० चैत २० गते कम्पनी र नवाफ अली विरुद्ध प्रहरीमा उजुरी दिएका थिए । अहिले आफ्नै नेताहरु मुछिएपछी उनिमाथी ठुलो दवाब छ । आफैले दिएको उजुरीमा आफ्नै नेताहरुको नाम आएपछी यो प्रकरणले उनलाई नै पोलेको छ ।
जनमोर्चाका नेताहरुले यो षड्यन्त्र भएको बताएका छन् । ठुला दलहरु मिलेर फसाउन खोजिएको उनिहरुले अभिव्यक्ती दिंदै आएका छन् । आफ्ना मान्छे जोगाउने र अन्यदललाई फसाउने प्रपञ्च भएको भन्दै निष्पक्ष छानबिनको माग गरेका छन् ।
