गुल्मी । गुल्मीको पुर्तिघाटमा जीप दुर्घटना भएको छ । आज बिहान ८:५५ बजेको समयमा जिल्ला गुल्मी कालिगण्डकी गा.पा.४ ओक्याङ स्थित भित्री कच्ची सडकमा चन्द्रकोटबाट पुर्तिघाट तर्फ जाँदै गरेको ग २ च ३२६२ नम्बरको बलेरो (डबल क्याप गाडी) आफै अनियन्त्रीत भई सडक देखि अ.४०० मिटर तल खस्न जाँदा गाडीमा सबार ८ मध्ये १ जना मृत्यु अन्य ७ जना मानिसहरु घाईते भएका छन् ।
पूर्तिघाट प्रहरी चौकि बाट प्र.स.नि. घनश्याम रिमालको कमाण्डमा खटिएको ५ जनाको टोलीले घाईतेहरुलाई उपचारको लागि पाल्पा तर्फ पठाईएको छ । उक्त स्थान चौकि बाट अ.१० कि.मी. दक्षिण पर्ने बि.बि. पछि रहेको छ । दुर्घटनामा भएको विवरण यस्तो छ ।
मृतक:- १. मृतक:- जिल्ला गुल्मी सत्यवती गा.पा. ८ भार्से बस्ने बर्ष ३२ की कमला बुढाथोकी पुर्तिघाट स्वास्थ्य चौकिमा लगिएको ।
२. चालकः-वतन नखुलेको बर्ष २९ को केशव रानाको दुवै हातमा चोट अबस्था मध्यम ।
३. जिल्ला गुल्मी सत्यवति गा.पा.८ भार्से बस्ने बर्ष ३७ की रिता छन्तेलको दाईने कान,चिउडोमा चोट अबस्था सिरियस ।
४. ऐ. बस्ने निजको छोरी बर्ष ४ कि ईरिसा छन्तेलको दुवै हात,छाति,टाउकोमा चोट अबस्था सिरियस ।
५. जिल्ला गुल्मी बस्ने बर्ष २६ को अजय नेपालीको नाकमा चोट अबस्था मध्यम ।
६. जिल्ला गुल्मी बस्ने बर्ष ७५ को टेक ब. कलाको टाउकोमा चोट अबस्था सिरियस ।
७. जिल्ला गुल्मी बस्ने बर्ष ४६ को दुरपति बराल शरिरको बिभिन्न भागमा चोट अबस्था मध्यम ।
८. जिल्ला गुल्मी बस्ने बर्ष २३ को मेख बरालको शरिरको भित्री भागमा चोट अबस्था सिरियस ।
