बुटवल । सार्वजनिक शैक्षिक गुठी, न्यु लाइट माविमा तीज नाच प्रतियोगिता सम्पन्न भएको छ ।
तीज नाच प्रतियोगितामा सिनियर तर्फ विशाखा अर्यालको ग्रीन हाउसको समूह र जुनियरतर्फ प्रशंसा भण्डारीको ब्लु हाउसको समूह विजयी भएको छ ।
प्रत्येक वर्ष तीजको अवसरमा गरिने प्रतियोगितामा जुनियर र सिनियर गरेर ८ वटा समूहहरु प्रतिस्पर्धी थिए ।
सिनियरतर्फबाट ग्रीन हाउस प्रथम, ब्लु हाउस द्वितीय र जुनियरतर्फबाट ब्लु हाउस प्रथम र एल्लो हाउस द्वितीय भएको थियो । नाच प्रतियोगिताको मूल्याङ्कन नृत्य शिक्षिका अशु कुंँवर र रुचि गुुरुङले गरेका थिए ।
कार्यक््रmममा २५ वटा समूहहरुले अप्रतिस्पर्धी नृत्य प्रस्तुत गरेका थिए भने शिक्षिकाहरुको समूहले मौलिक भाकामा तीज गीत र नृत्य प्रस्तुत गरेका थिए ।
कार्यक्रममा मन्तव्य दिंदै प्रमुख अतिथि विद्यालय व्यवस्थापन समितिका अध्यक्ष खडग बहादुर गौतमले मौलिक गीत संगीतलाई जोड दिंदै विकृतिबाट बच्नुुपर्ने बताए ।
त्यस्तै मन्तव्य राख्दै विद्यालयमा प्राचार्य रमेश ज्ञवालीले विद्यार्थीको सामाजिकीकरण गर्ने र आफ्नो संस्कृति सिकाउने बताए । शिक्षिका अस्मिता श्रेष्ठको सञ्चालन र शिक्षिक रेश्वा गुरुङको अध्यक्षतामा सम्पन्न भएको थियो ।
