गौरीशंकर जयसवाल
परासी
पश्चिम नवलपरासीमा चालु आर्थिक वर्षमा आठ सय ५५ उद्योग दर्ता भएको छ । घरेलु तथा साना उद्योग कार्यालय नवलपरासीमा २०८० साउनदेखि ०८१ बैेशाख ३० गतेसम्म उक्त उद्योग दर्ताको भएका हुन्  । चालु आर्थिक वर्ष २०८० साउनदेखि ०८१ बैेशाख ३० गतेसम्म उद्योग चार सय ४६ वटा उद्योग र वाणिज्यतर्फ चार सय ९ वटा दर्ताको उद्योग कार्यालय नवलपरासीका उद्योग अधिकृत पुरुषोत्तम पौडेलले जानकारी दिए । सबैभन्दा कृषि फर्म र होेटल दर्ता रहेको छ । चालु वर्षमा पछिल्लो समयमा मार्वल ग्रेनेट  सम्बन्धी  नयाँ उद्योग ६ वटा दर्ता भएको छ  ।

जिल्लामा गत बर्ष  एक हजार ३४ वटा उद्योग  र वाणिज्य पसल  दर्ता भएको पौडेलले जानकारी दिए । उद्योगतर्फ पाँच सय २७ वटा तथा वाणिज्यतर्फ पाँच सय ७ वटा दर्ता भएको पौडेलले बताए ।

एक सय २३ वटा  खारेज उद्योग
 जिल्लामा चालु आर्थिक वर्षमा कुल एक सय २३ जना उद्योग वाणिज्य पसल खारेज भएका छन् । 
जसमध्ये उद्योग ६९ वटा र वाणिज्य ५४ वटा खारेज भएका छन् । आर्थिक बन्दी र आर्थिक अभावको कारण सञ्चालन गर्न नसकिने भन्दै सम्बद्ध व्यक्तिले आवेदन दिएको ती उद्योग वाणिज्य दर्ता खारेज गरिएको उद्योग अधिकृत पौैडेलले बताए । चालु आर्थिक वर्ष  ७१ लाख ५६ हजार तीन सय ७० रुपैयाँ  राजस्व संकलन गरिएको उनले जनाए । वाणिज्यतर्फ ४६ लाख ३६ हजार नौै सय ४० रुपैयाँ र उद्योगतर्फ २५ लाख १९ हजार चार सय ३० रुपैयाँ संकलन भएको छ । उद्योगतर्फ तीन सय ५५ वटा नविकरण र उद्योगतर्फ पाँच सय ८९ गरी ९ सय ४४ वटा नविकरण भएको कार्यालयले जनाएको छ ।