नवलपुर । नवलपुरको गैडाकोटमा गैडाको आक्रमणबाट एक जना घाइते भएका छन् ।
नवलपुरको गैडाकोट ६ नगर वन निवासी ५५ बर्षीय नेप्ते कुमाललाई घाँस काट्न जाँदा गैडाले आक्रमण गरेको हो ।
गैडाको आक्रमणबाट कुमालको ढाँडमा चोट लागेको छ । उनको भरतपुर अस्पताल भरतपुरमा उपचार भईरहेको छ । घाइतेको अवस्था मध्यम रहेको प्रहरीले जनाएको छ ।
त्यसैगरी नवलपुरको हुप्सेकोटमा मोटरसाइकलको ठक्करबाट २ जना घाइते भएका छन् ।
जिल्ला प्रहरी कार्यालय नवलपुरको गएराति हुप्सेकोट गाउँपालिलका ३ घर्ति टोलमा भित्री सडक खण्डमा गिरुवारीबाट बेलुवातर्फ आउँदै गरेको ना ४८ प ९२१० नम्बरको मोटरसाइकलले सडक छेउ बसिरहेका २ जनालाई ठक्कर दिएको हो ।
घाइतेको मध्यविन्दु जिल्ला अस्पताल डण्डामा सामान्य उपचारपश्चात थप उपचारका लागि गएराति नै चितवन मेडिकल कलेज पठाइएको छ ।
दुर्घटनामा परी हुप्सेकोट ५ बसेनी निवासी ३८ बर्षीय नरबहादुर ठाड र १७ बर्षीया रुपा रजाली घाइते भएका छन् । उनीहरुको अवस्था गम्भीर रहेको प्रहरीले जनाएको छ ।
