गुल्मी । नेपाल स्क्राबल कमिटिद्धारा कार्तिक ९ र १० गते गुल्मी जिल्लामा सम्पन्न दशौ राष्ट्रीय स्क्राबल प्रतियोगितामा सुनवल युनाइटेड अंगे्रजी आवासीय मा.वि सुनवल – ४, नवलपरासीकी छात्रा बिनिता बर्मा छात्रा तर्फ नेपाल प्रथम र समग्रमा नेपाल दोस्रोको उपाधि हासिल गर्न सफल भएकी छन् ।
प्रतियोगितामा देशभरबाट १९ जिल्लाका ७८ जना विद्यार्थीहरु बीच प्रस्तिस्पर्धा भएको थियो । प्रतियोगितामा चितवनका अर्नभ पाण्डे प्रथम र मकवानपुरका प्रसिद्ध तिमिल्सिना तेस्रो भएका छन् ।
२०८१ साल असोज ३ गते प्याब्सन नवलपरासीको आयोजनामा भएको जिल्लास्तरीय छनौट प्रतियोगितामा प्रथम स्थान हासिल गर्दै बिनिता बर्मा राष्ट्रीय प्रतियोगितामा सहभागी भएकी हुन् । नेपाल स्क्राबल क्लबले विभिन्न जिल्लाहरुमा विद्यालय संख्याको आधारमा जिल्ला स्तरीय प्रतियोगितामार्फत राष्ट्रीय प्रतियोगिताको लागी सहभागी खेलाडीको कोटा निर्धारण गरे अनुसार खेलाडीको सहभागिता रहेको हुन्छ ।
सुनवल युनाइटेड स्कुलका विद्यार्थीहरुले वि.स २०७९ सालदेखी स्क्राबल प्रतियोगितामा आफ्ना विद्यार्थीहरु सहभागी गराउँदै जिल्ला, राष्ट्रीय र अन्तराष्ट्रीय स्तरमा सफलता हात पारिरहेको विद्यालयका प्रिन्सिपल धनराज चापागाईले बताए । यो प्रतियोगितामा सफल भएसँगै छात्रा विनिता बर्मा जनवरी २०२५ मा काठमाडौँमा हुने पाँचौ अन्टराष्ट्रीय स्व्रmाबल प्रतियोगितामा प्रतिस्पर्धा गर्ने छिन् । साथै केहि दिन पछि नोभेम्बर १० देखी १२ सम्म भारतको राजधानी नयाँ दिल्लीमा आयोजना हुने एसिया कप स्क्राबलमा पनि विद्यार्थी बर्माको सहभागिता हुने प्राचार्य चापागाईले बताए ।
स्क्राबल प्रतियोगिताले विद्यार्थीहरुमा खेलको माध्यमद्धारा नयाँ नयाँ शब्दहरुको खोजि गर्ने , चिन्तन गर्ने र शब्द भण्डार बृद्धि गर्ने कलाको विकास गराउने हुँदा यसले विद्यार्थीहरुको शैक्षिक अब्बलता पनि तिब्र रुपमा बृद्धि गराउंछ । यो खेल ए देखी जेड सम्मका अंगे्रजी अक्षरहरुको माध्यमद्धारा बोर्डमा नयाँ र स्कोर बढी प्राप्त गर्ने शब्दहरु निर्माण गर्दै २ जना खेलाडीहरु बिच समय सिमा निर्धारण गरि खेलाउने गरिन्छ ।
