भैरहवा । रोहिणी र सिद्धार्थनगरको सिमानामा पर्ने रोहिणी–१ चैनपुरमा अवस्थित मदरसामा दुई सय जना छात्राहरु छात्रावाससँगै अध्ययन गर्दै आइरहेका छन । कक्षा १० सम्म नियमित शिक्षासँगै धार्मिक शिक्षा दिदै आएको मदरसा रुपन्देहीकै नमुना मदरसाको रुपमा रहेको छ । शिक्षाबाट बञ्चित गराइदै आएको छात्राहरुको अवस्थालाई चिर्दै शिक्षाको पहुचमा छात्राको वृद्धि गर्ने उद्देश्यले सरकारले सामुदायिक विद्यालयका लागि निर्धारण गरेको पाठ्यक्रमकै शिक्षा दिदै आएको छ ।
मदरसा गौसिया अहले सुन्नत नूरुल ओलुमले आफ्नो आठौ वार्षिकोत्सव मनाउदै सहयोगीहरुलाई सम्मान समेत गरेको छ । सो अवसरमा बोल्दै प्रमुख अतिथी सिद्धार्थनगर नगरपालिकाका मेयर इस्तियाक अहमद खाँले शिक्षा नै सामाजिक विकासुको मुल आधार भएकोले सामाजिक विकास र परिवर्तनका लागि छात्राहरुको शिक्षामा जोड दिनु पर्ने बताए । यो मदरसा यस क्षेत्रकै नमुना मदरसा रहेकोले यस क्षेत्रका वहिनी छोरीहरुको भविष्य निर्माण जस्तो महत्वपूर्ण काम गरिरहेको बताउदै यसलाई सबैले हामी सबैले पहल र प्राथमिकतामा राखी काम गर्नुपर्ने बताए । नगरपालिकाले मदरसालाई नियमित रुपमा सहयोग गरेतापनि यसको योजनागत विकासका लागि संघ र प्रदेशबाट सहकार्य गर्ने प्रतिबद्धता जनाए ।
विशिष्ट अतिथी रोहिणी गाँउपालिका अध्यक्ष विद्या यादवले रोहिणीले सबै समुदायको संरक्षण र विकासका लागि पहलकदमी भुमिका खेल्दै आएकोले यो मदरसालाई प्राथमिकतामा राखेर काम गर्दै आएको बताए । १० कक्षा सम्म अनुमति दिई शिक्षा प्रदान गरेको मदरसाले उच्च शिक्षाका लागि पनि माग गरेकोले त्यसको भौतिक र शैक्षिक विकासको लागि पालिकाले पहल गर्दै आएको बताए । पालिकाको तर्फबाट मदरसाको सौन्दर्यीकरणका लागि रंगरोगन, कम्पाउण्ड लगायतका केही पूर्वाधारको काम पनि आतिआवश्यक रहेकोले पालिकाले त्यसको लागि बजेट विनियोजन गरी काम गर्नमा प्रतिबद्ध रहेको बताए । धेरै मदरसा हुनु भन्दा केही हुनु तर राम्रो हुनुपर्छ, यो मदरसा रोहिणीको नमुना मदरसा रहेको बताए ।
यस्तै समाजसेवी फैज अहमद खाँनले नेपाल सरकारले निशुल्क शिक्षाका लागि सामुदायिक विद्यालयमा दिएको सुविधा भन्दा मदरसामा बढि सुविधा दिने भएकोले यसमा स्थानीय, प्रदेश र संघीय सरकारले विचार गर्नुपर्ने बताए । रोहिणीको गरिमा बढाउने मदरसाको रुपमा रहेको यो छात्राहरुको मदरसाको विकासकालागि सबै एकजुट भई लाग्नु पर्ने बताए ।
यस्तै रोहिणी गााउपालिकाकी उपाध्यक्ष शिवकान्ति चमारले सबैको पायक पर्ने ठाउमा मदरसा रहेकोले यसको विकासका लागि व्यक्तिगत रुपमा र पालिकाको तर्फबाट पूर्णत सहयोग गर्ने बताइन । उनले यसलाई छिटै कक्षा १२ सम्मको अध्यापनका लासिग पलिहकाले पहल गरेको बताउदै गुणस्तरीय शिक्षाका लागि अभिभावक, विद्यार्थी स्वंय र मदरसाले ध्यान दिनुपर्ने बताईन ।
विद्यालयका प्रधानाध्यापक हैदर अलिले मदरसामा कक्षा १० सम्मको पढाई भइरुहेको र २ सय जना छात्राहरु छात्रावास सहित अध्ययन गरिरहेको जानकारी दिए । उनले मदरसामा भौतिक र शैक्षिक क्षेत्रमा धेरै कमि रहेकोले कक्षाकोठा, फर्निचर र कम्प्युटर शिक्षाको लागि मदरसाले पहल गरिररहेको छ भने आयमुलक शीपमा पनि मदरसाले योजना बनाई सिलाई कटाई लागयतका तलिमहरु पनि गर्नुपर्ने आवश्यकता रहेको बताए ।
हाल मदरसामा २२ जना जनशक्ति रहेपनि पूर्वाधारमा कमि रहेकोले सबै एकजुट भई मदरसाको विकास गर्नुपर्ने जरुरी रहेको बताए । मदरसा व्यवस्थापन समित अध्यक्ष समसाद अहमदको अध्यक्षतामा भएको कार्यक्रमको संचालन प्रन्स्या न्यौपानेले गरेकी थिइन ।
