बुटवल । मानो रोपेर मुरी उब्जाउने दिनको रुपमा मानिने असार १५ सम्म रुपन्देहीमा धान रोपाईको अवस्था न्यून देखिएको छ ।
सरकारले धुमधामका साथ राष्ट्रिय धान दिवस मनाईरहेपनि किसानहरुले पानी तथा मल अभाव हुँदा रोपाई गर्न सकेका छैनन यसको असर धान एवं चामल आयातमा प्रत्यक्ष देखिन्छ।
सिँचाइको लागि पर्याप्त पानी तथा र मलखादको अभावका कारण अधिकांश खेत बाँझै छन्।
कृषि विकास निर्देशनालयका कृषि अर्थ विज्ञ डिल्लीराज पौडेलका अनुसार असार १४ गते साझसम्मरुपन्देहीमा २३ प्रतिशत रोपाई सकिएको छ ।
रुपन्देहीमा धान उत्पादन हुने ६३ हजार ४९७ हेक्टर क्षेत्रफलमध्ये १४ हजार ६०४ हेक्टरमा रोपाईँ भएको छ ।
शुक्रवार देखि पानी पर्नु र आज हुने रोपाईले २-३ प्रतिशत क्षेत्रमा थप रोपाई हुने अपेक्षा गरिएको छ।
सरकारले जलवायु मैत्री कृषि , धान उत्पादनमा वृद्धि’’ २१ औं राष्ट्रिय धान दिवस, २०८१ मनाईरहेको छ।
