बुटवल । नेपाल प्रिमियल लिग (एनपीएल) अन्तर्गत आज बिहानको खेलमा लुम्बिनी लायन्सले टस जितेको छ । टस जित्दै लुम्बिनीका कप्तान रोहित पौडेलले पहिले फिल्डिङ गर्ने निर्णय लिए । यससँगै जनकपुरले ब्याटिङको निम्तो पाएको छ ।
यी दुवै टोलीले यसअघि ३/३ खेल खेलीसकेका छन् । जनकपुर तीन वटै खेलमा विजयी भएको छ भने लुम्बिनीले तीन वटै खेलमा पराजय व्यहोरेको छ ।
उच्च लयमा रहेको जनकपुरले विराटनगर किङ्स र कर्णाली याक्सलाई ८ विकेटले पराजित गरेको थियो भने पोखरा एभेन्जर्सलाई ७ विकेटले पाखा लगाएको थियो ।
उता यसअघिका तीन वटै खेलमा पराजित भएको लुम्बिनीले पहिलो खेलमा विराटनगर किङ्ससँग २ विकेटको पराजय व्यहोरेको थियो भने पोखरा एभेन्जर्ससाग १० विकेटले पराजित भएको थियो । त्यस्तै सुदूरपश्चिम रोयल्ससँग ४५ रनले स्तब्ध भएको थियो ।
यसअघिका खेलका आधारमा लिगमा जनकपुरले ह्याट्रिक जित निकालिसकेको छ भने लुम्बिनीले ह्याट्रिक पराजय व्यहोरेको छ । तीन खेलमा पराजित भएको लुम्बिनी निकै सन्तुलित र लयमा देखिएको जनकपुरलाई पराजित गर्दै कमब्याक गर्ने लक्ष्यमा छ । तर, लुम्बिनीलाई पराजित गर्दै आफ्नो विजय यात्रालाई निरन्तरता दिने लक्ष्यमा जनकपुर देखिन्छ ।
