नवलपुर । जिल्ला प्रहरी कार्यालय नवलपुरले पछिल्लो २ महिनामा ६९ जना फरार अपराधीहरुलाई पक्राउ गरेको छ ।
जिल्ला प्रहरी कार्यालय नवलपुरका प्रहरी उपरीक्षक यादव ढकालका अनुसार कात्तिक र मंसिर २ महिनामा गरी ५६ जना पुरुष र १३ जना महिला गरी ६९ जनालाई पक्राउ गरी नवलपुर जिल्ला अदालतमा पेश गरिएको जनाएको छ ।
अदालतले विभिन्न समयमा दोषी ठहर गरी फरार रहेका ६९ जनालाई पक्राउ गरी अदालत पेश गरिएको हो । उनीहरुबाट १४ बर्ष ११ महिना ७ दिन बराबरको कैद भुक्तान र ३९ लाख ७४ हजार ६ सय एकतीस रुपैयाँ जरिवाना असुल गरिएको पनि प्रहरीले जनाएको छ ।
चेक अनादार, लागुऔषध, सवारी ज्यान, चोरी, बैंकि कसुर आदि मुद्दामा फरार रहेकाहरु पक्राउ परेको प्रहरीले जनाएको छ ।
