गुल्मी । दुई करोड लगानीमा तमघासमा पानी उद्योग खुलेको छ । यहाँका तीन युवाले रेसुङ्गा जल उद्योग प्रालि खोलेका हुन् ।
बजारमा मिनरल वाटरको माग बढेको र स्थानीय उत्पादन नभएकोले पानी प्रशोधन उद्योग खोलेको रेसुुङ्गा जल उद्योगका सञ्चालक विश्वास पुनले जानकारी दिए ।
ऐतिहासिक,धार्मिक क्षेत्र रेसुङ्गाको काखको रैथाने पानीको मुलको प्रशोधित पानीले बजार लिएपछि उद्योगी उत्साहित भएका छन् । ॅबजारमा राम्रो माग छ, गुणस्तरमा ध्यान दिएर बाहिर पनि पठाउन खोजीरहेका छौं,—पुनले भने ।
रेसुङ्गा अक्वा नामक शिलप्याक पानीको बोत्तल अहिले एक लिटर र आधा लिटर बजारमा उपलब्ध छ । प्रति लिटर २० रुपैयाँ खुद्रा मुल्य रहेको छ ।
चिनियाँ अत्याधुनिक नयाँ स्वचालित प्रविधि बाट उत्पादन हुने पानीको मुहान रेसुङ्गा नगरपालिका—३ को रेसुङ्गा बनको पुछार सेतीखोला किनारको कलकल बग्ने झरनामा अवस्थित छ । पानीको मुलबाट करिव १७ सय मिटर तल लाम्खेत फाँटमा उद्योग रहेको छ ।
पाइप मार्फत पहिलो चरणमा ५ हजार लिटर क्षमताको ट्याङ्कीमा संकलन हुन्छ । त्यस पछि तिन चरणको फिल्टरिङ्ग प्रक्रिया सुरु हुन्छ । त्यहाँ बाट आरओ प्रविधिमा पुगेको पानी भित्री एसएस ट्याङकीमा जम्मा हुन्छ र त्यहाँ बाट युभि प्रविधि हुँदै पानी बोत्तलमा प्याकिङ हुन्छ ।
प्रतिघण्टा कुल २ हजार लिटर उत्पादन क्षमताको उद्योगले अहिले ८ सय देखि एक हजार लिटर उत्पादन गरेको उद्योगका प्रबन्ध निर्देशक तथा फोकल पर्शन इन्जिनियर राम पन्थीले जानकारी दिए ।
उद्योगका लगानीकर्ता रेसुङ्गा नगरपालिका वडा नम्बर ३ का इन्जिनियर सन्तोष कुँवर वडा नम्बर २ छापटोलाका बिश्वास पुन र वडा नम्बर ६ चेक्मिका इन्जिनियर राम पन्थी हुन् । उनीहरु तमघासको रिडर्श पब्लिक हाईस्कुलका एउटै ब्याची हुन् ।
उद्योगका अध्यक्ष सन्तोष कँुवरले रेसुङ्गाको काखमा अबस्थित रैथाने मुलको पानी उद्योग सञ्चालन गर्नका लागि चार वर्ष अध्ययन गरेको बताए । रेसुङ्गा नगरपालिका— ३ का वडाध्यक्ष बाबुराम खत्रीले यस उद्योग सञ्चालनले आफूहरु उत्साहित भएको बताए । ॅयुवाहरु बिदेशिने क्रमले निरास भईरहेको बेला यहाँका युवाहरुले स्वदेशकै साधान श्रोतबाट पानी उद्योग खोलेकोले सबै प्रकारको सहयोग गर्न तयार छौँ,—उनले भने ।
स्थानीय ७४ बर्षीय नन्दराम भण्डारीलेचिसो र मिठो पानीको रुपमा रुचाउँदै आएको मुलको पानीबाट उद्योग खुलेकोमा खुशी लागेको बताए ।
रेसुङ्गा धार्मिक क्षेत्रमा पिउने पानीको भगवान श्रीराम संग जोडिएको इतिहास छ । राजा दशरथलाई सन्तान लाभ नभए पछि अयोध्यामा रेसुङ्गाका तपस्वी ऋषिश्रृगेलाई बोलार महायज्ञ लगाए पछि उनलाई श्रीराम लगायतका सन्तान लाभ भएको र त्यही प्रभावबाट श्रीराम लक्ष्मण भरत लगायत रेसुङ्गामा ऋषिश्रृगेलाई भेटन आएको , त्यस बेला ऋषिश्रृगेले पानीको अभाव भएको बताए पछि रामले बाँण हानेर पानीको कुवा अर्थात मुल फुटेकोले यहाँको पानीलाई अमृत जल पनि भन्ने गरिएको किम्बदन्ती पाइन्छ ।
यसर्थ पनि यहाँको पानीको धार्मिक महिमा छ । यस धार्मिक क्षेत्रको चारैतिरको पानीको मुललाई स्थानीयले उपभोग गर्दै आइरहेका छन् । यहि धार्मिक क्षेत्रको अर्को पानीको मुलमा रेसुङ्गा नगरपालिकाले मझेङ्ग बृहत खानेपानी योजनाको काम सुरु गरेको छ । यसैको कोखमा अर्को मुलबाट प्रशोधित पानी उद्योग सञ्चालनमा आए पछि रेसुङ्गा नगरपालिकाले उद्योगीहरुलाई आबश्यक सहयोग गर्ने प्रतिबद्धता जनाएको सञ्चालकहरुले बताएका छन् ।
