मोहम्मद हबिब
भैरहवा
रुपन्देहीको सिद्धार्थनगरको एसईई नतिजा यस वर्ष सन्तोषजनक छैन । विगतका वर्षहरुमा राम्रै नतिजा आउने यस नगरबाट अहिले भने विगतमा भन्दा फरक नतिजा आएपछि शैक्षिक संस्थाहरु निराशा छाएको छ, सामुदायिक विद्यालयको नतिजा यस वर्ष मुख्यत खस्केको छ । गत चैत्रमा नगरका सामुदायिक तथा संस्थागत ३५ वटा विद्यालयबाट एसईईमा १ हजार ५ सय ६१ जन विद्यार्थी सहभागी भएकोमा ६ सय ९० जना अर्थात ४४ दशमलव २ प्रतिशत विद्यार्थीमात्रै उत्तीर्ण भएका छन् ।
१२ सामुदायिक र २३ संस्थागत विद्यालयहरुबाट विद्यार्थीहरु सहभागी भए पनि ३ वटा सामुदायिक विद्यालयको नतिजा शून्य आएको छ । बिहीबार सार्वजानिक गरिएको माध्यमिक शिक्षा परीक्षा एसईईको नतिजा अनुसार समुदायिक विद्यालयतर्फ पक्लिहवा माविका ४३ जनामध्ये २ जना, भैरहवा नमूना माविका ८५ जनामध्ये ४ जना, रुपन्देही लिलाराम माविका २ सय ३ जनामध्ये ९२ जना, भानु माविका ७२ जनामध्ये ८ जना, संस्कृत माविको २६ जनामध्ये १७ जना , बहिरा बाल माविका १० जनामध्ये ८ जना, सुर्यदेव माविका २८ जनामध्ये १ जना र नव दुर्गा माविका ३० जनामध्ये ६ जना मात्रै उत्र्तीण भएका छन् । सामुदायिकका महात्मा बुद्ध, संस्कृत विद्याश्रम, बेलहिया माविको नतिजा शून्य रहेको सिद्धार्थनगर शिक्षा शाखाले जानकारी दिएको छ ।
यस्तै संस्थागत तर्फबाट आर्य पब्लिक स्कुलले शत प्रतिशत विद्यार्थी उत्तीर्ण गरेको छ । बुद्ध ज्योतिले ३६ जना विद्यार्थी सहभागी गराउँदा १६ जना उत्र्तीण भएका छन्, एआरडी मोडलबाट १४ जनामध्ये ९ जना, सनसाइनबाट ४८ जनामध्ये ३२ जना, इस्ट वेस्टबाट २८ जना मध्येबाट ३ जना, आदर्श विद्या मन्दिरबाट २५ जनामध्ये १२ जना, जेसीसबाट ५८ जनामध्ये ३९ जना, बृहस्पतिबाट ४८ जनामध्येबाट १६ जना, मनकामनाबाट २३ जनामध्येबाट १९ जना उत्तीर्ण भएका छन् ।
यस्तै मन्टेश्वरी मेमोरियलबाट ३० जना सहभागी हँुदा ८ जना, नेपाल नालन्दाबाट ३८ जना सहभागी हँुदा २० जना, साइग्लोबलबाट ७९ जनामध्ये ४२ जना, सिबी पब्लिकबाट १८ जना सहभागी हुँदा ४ जना, पश्चिमाञ्चलबाट ६६ जना सहभागी हुँदा ६१ जना, अमरज्योतिबाट ६८ जना सहभागी हुँदा ५५ जना, न्यू इराबाट ७१ जना सहभागी हँदा ३६ जना, काशी नोबलबाट १ सय १३ जनामध्ये ९५ जना, बुद्ध ज्ञाननिकेतनबाट २४ जनामध्ये ७ जना, मुनलाइटबाट ७८ जनामध्ये ३९ जना, युनिभर्सल पब्लिकबाट १९ जनामध्ये ७ जना मात्रै उत्र्तीण भएका छन् ।
यसैगरी पशुपति शिक्षा मन्दिरबाट २२ जना सहभागी भएकोमा ४ जना, हेभेन्लीबाट २५ जनामध्येबाट १० जना, ब्राइट स्टारबाट ४३ जनामध्ये ५ जना र मोर्डन पब्लिकबाट १० जनामध्ये ५ जनाले मात्रै एसईई उत्र्तीण गरेको नगरपालिका शिक्षा शाखाले जानकारी दिएको छ ।
आफ्नो नतिजामा चित्त नबुझे नजिता सार्वजानिक भएको १५ दिनभित्र अनलाइन माध्यमबाट पनि पुनर्योगको लागि आवेदन दिन सक्ने व्यवस्था भने मिलाइएको छ ।
शिक्षा, विज्ञान तथा प्रविधि मन्त्रालयले माध्यमिक शिक्षा परीक्षा (एसईई २०८०) मा दुईभन्दा बढी विषयमा एनजी ल्याएका विद्यार्थीलाई पनि मौका परीक्षामा सहभागी गराउने निर्णय समेत गरेको छ ।
धेरै विद्यार्थीहरु अध्ययनबाट वञ्चित हुने भन्दै मौका परीक्षामा सहभागी हुन दिने व्यवस्था गर्न शिक्षामन्त्री सुमना श्रेष्ठले शुक्रबार निर्णय गरेकी छिन् । एनजी ल्याएका विद्यार्थीलाई मौका परीक्षामा सहभागी गराउन लेटर ग्रेडिङ निर्देशिका, २०७८ संशोधन गर्ने प्रकृया अगाडि बढाउन पाठ्यक्रम विकास केन्द्रलाई, परीक्षा बोर्ड, परीक्षा नियन्त्रण कार्यालयलाई परीक्षा सञ्चालन व्यवस्थापन गर्न र शिक्षा तथा मानव स्रोत विकास केन्द्रलाई आवश्यक कक्षा सञ्चालन तथा सिकाइ सहजीकरण गर्न विद्यालय तथा सरोकार निकायलाई निर्देशन दिने निर्णय गरेको हो ।
राष्ट्रिय परीक्षा बोर्ड, परीक्षा नियन्त्रण कार्यालय (कक्षा १०) ले बिहीबार सार्वजनिक गरेको नतिजा अनुसार २ लाख ४२ हजार ३१३ जना विद्यार्थी नन ग्रेड (एनजी)मा परेका छन् । यो संख्या परीक्षामा सहभागी ४ लाख ६४ हजार ७८५ विद्यार्थीको ५२.१४ प्रतिशत हो ।
ठूलो संख्याका विद्यार्थीले मौका परीक्षामा सहभागी हुन नपाउने भएपछि मन्त्रालयले दोस्रो पटक निर्देशिका संशोधन गर्ने र सबै विद्यार्थीलाई मौका परीक्षामा सहभागी गराउने निर्णय गरेको हो ।
यसअघि निर्देशिकामा दुईभन्दा बढी विषयमा एनजी ल्याएका विद्यार्थीले अर्को वर्ष सबै विषयमा परीक्षा दिनुपर्ने व्यवस्था रहेको थियो । राष्ट्रिय परीक्षा बोर्डले यस वर्ष पहिलोपटक नयाँ लेटर ग्रेडिङ प्रणालीबाट एसईईको नतिजा सार्वजनिक गरेको थियोे ।
पन्त भइन नगर प्रथम
भैरहवास्थित काशी नोबल एकेडमीकी विद्यार्थी श्रीदिमा पन्त एसईई सिद्धार्थनगर प्रथम भएकि छन् । विद्यालयले आइतबार एक कार्यक्रम आयोजना गरी उत्तीर्ण विद्यार्थीहरुलाई सम्मान गरेको छ । काशीले यसअघि पनि उत्कृष्ट नतिजा ल्याउँदै विद्यार्थीको प्रोत्साहन स्वरुप सम्मान गर्दै आएको थियो, आइतबार विद्यालयका प्रथम हुने छात्र र छात्रालाई नगदसहित सम्मान गरेको हो । २०५१ सालमा स्थापित विद्यालयले २०६३ सालबाट एसएलसीमा सहभागिता जनाउँदै आएको छ ।
१२ सय ५१ विद्यार्थी उत्र्तीण गराउन सफल विद्यालयले यस वर्ष १ सय १३ विद्यार्थी एसईईमा सहभागी गराएको विद्यालयका प्राचार्य राजेन्द्र घिमिरेले जानकारी दिए । उनले विद्यार्थीहरुको प्रोत्साहनका लागि विगतका वर्षहरुबाट उत्कृष्ट विद्यार्थीहरुलाई सम्मान गरिंदै आएको बताए ।
