तिलोत्तमा । तिलोत्तमा नगरपालिका ६ नयामिलमा संचालित डन मोडेल एकेडेमीमा आईतवार देखि खेलकुद सप्ताह शुरु भएको छ । विद्यार्थीहरुलाई पाठ्यक्रमको ज्ञानसंगै उनिहरुको अन्तरनिहित खेल प्रतिभाको प्रस्फूटन गराउने उद्देश्यले हरेक वर्ष विद्यालयले खेलकुद सप्ताह गदै आएको छ ।
खेलकुद सप्ता उद्घाटन गर्दै विद्यालयका प्राचार्य सिताराम भट्रराईले विद्यार्थीको खेल प्रतिभा प्रष्फुटन गराउनका साथै विद्यार्थी र शिक्षकहरुलाई समूहमा मिलेर काम गर्ने संस्कारको विकास, अनुशासन र विद्यार्थीको व्यक्तित्व विकासमा समेत खेल सप्ताहले योगदान पुराउने बताए ।
खेल सप्ताह अन्तर्गत यसवर्षदेखि विभिन्न विधामा अन्तर सदनात्मक रनिङ शिल्ड प्रतियोगिता समेत गराइने बताए ।
खेलकुद सप्ताहको शुभारम्भ गर्दै विद्यालय व्यवस्थापन समितिका अध्यक्ष यज्ञ प्रसाद ज्ञवालीले खेल सप्ताहले विद्यालय स्तरबाटै खेलाडी उत्पादनमा सहयोग पुग्ने र भविष्यमा राम्रा खेलाडी बनेर देशलाई विश्वमा चिनाउन सकिने बताए ।
उदघाटन समारोहमा विद्यालयका खेलकुद विभागका प्रमुख सुमन श्रेष्ठले खेल सप्ताह अन्तर्गत आयोजना हुने प्रतियोगिताबारे जानकारी गराएका थिए भने विद्यार्थीहरुले मार्च पास र गीत तथा नृत्य प्रस्तुत गरेका थिए । खेलकुद सप्ताह माघ २० गतेसम्म संचालन हुने विद्यालयका सहायक प्राचार्य सन्तोष पौडेलले जानकारी दिए ।
