बुटवल । मणिमुकुन्द कलेज बुटवलले विद्यार्थीको खेल प्रतिभा प्रष्फुटनका लागि सञ्चालन गरेको स्पोर्टस् मिट कार्यक्रम सम्पन्न भएको छ । सोमबारदेखि शुरु भएको स्पोर्टस् मिटको अन्तिम दिन भलिबल, बास्केटबल र कबड्डी लगायतका प्रतियागिता भएका छन् । छात्र तर्फको बास्केटबल प्रतियोगितामा कक्षा १२ बिहानी समूह  प्रथम र कक्षा १२ दिवा समूह द्वितीय भएका छन् । यस्तै अति रोमाञ्चक छात्रा तर्फको कबड्डी खेलमा दिवा समूह प्रथम  र  बिहानी समूह द्वितीय भएका छन् । छात्र तर्फको कबड्डी खेलमा प्रथम कक्षा ११ दिवा समूहका छात्र र द्वितीय कक्षा १२ दिवा समूह भएका छन् । पुरुष शिक्षक र स्टाफ भलिबल प्रतियोगितमा बिहानी समूहको शिक्षकको टिम प्रथम भएका छन् । 
स्पोर्टस् मिटमा विजयी टिम र विद्यार्थीहरुलाई फागुन ३ गते कलेजमा हुने फुड फेस्टिभलमा पुरस्कार तथा प्रमाणपत्र वितरण गरिने कलेजका प्राचार्य टुकबहादुर क्षेत्रीले बताए । स्पोर्टस् मिटका खेलहरु तिलोत्तमास्थित जनज्योति क्लबको खेल मैदान र कलेजको आफनै प्रांगणको खेल मैदानमा तीन दिनसम्म उत्साहजनकरुपमा सम्पन्न भएका कलेजका व्यवस्थापन संयोजक पशुपति चौधरीले  बताए । स्पोर्टस् मिटमा फुटबल,क्रिकेट,भलिबल, बास्केटबल, टेबलटेनिस, कबड्डी, दौड, हाइजम्प,लङजम्प,सटपुट थ्रो, ज्याभलिन थ्रो, चेस, म्युजिकल चेयर लगायतका प्रतियोगिता भएका सहप्राचार्य दिवाकर खनालले बताए ।